சிங்கம்புணரி, நவ. 15: தமிழ்நாடு ஆரம்பப் பள்ளி ஆசிரியர் கூட்டணி சிங்கம்புணரி வட்டாரக் கிளையின் செயற்குழு கூட்டம் நடைபெற்றது. வட்டார அலுவலகத்தில் நடைபெற்ற இந்தக் கூட்டத்துக்கு வட்டாரத் தலைவர் அற்புதராஜ் தலைமை வகித்தார். வட்டாரச் செயலர் பாலகிருஷ்ணன் வரவேற்றுப் பேசினார். சிவகங்கை மாவட்டக் கிளைக்கு புதிதாகப் பொறுப்பேற்றுள்ள நிர்வாகிகளுக்கு வாழ்த்துத் தெரிவிப்பது, வட்டாரத்திலிருந்து சிவகங்கை மாவட்டத் தலைவராக தேர்ந்தெடுக்கப்பட்ட முத்துப்பாண்டியன், மாநிலப் பொதுக் குழு உறுப்பினராக தேர்ந்தெடுக்கப்பட்ட பொன். பால்துரை ஆகியோருக்கு வாழ்த்துகளைத் தெரிவிப்பது, புதுதில்லியில் நடைபெறும் பேரணியில் வட்டாரக் கிளையின் சார்பாக 8 பேர் கலந்து கொள்வது என்பன உள்ளிட்ட பல்வேறு தீர்மானங்கள் நிறைவேற்றப்பட்டன. மாவட்டப் பொதுக் குழு உறுப்பினர்கள் ராகவன், வைரம், வட்டாரத் துணைச் செயலர் பாலா, செயற்குழு உறுப்பினர்கள் சரவணன், பாண்டி, முன்னாள் மாவட்ட துணைச் செயலர் சுரேஷ் ஆகியோர் கலந்து கொண்டனர். வட்டாரப் பொருளாளர் சம்பத் நன்றி கூறினார்.
கருத்துகள் இல்லை:
கருத்துரையிடுக