ஆசிரியர் பொதுமாறுதல் கலந்தாய்வு குறுஞ்செய்தி வதந்தி. அரசு அறிவிப்பு வரும்வரை வதந்திகளை நம்ப வேண்டாம். TNPTF வேண்டுகோள்

கடந்த 4 நாடகளாக பல்வேறு வட்டாரச் செயலாளர்கள் நம்மை தொடர்பு கொண்டு பொதுமாறுதல் கலந்தாய்வு குறித்து குறுந்தகவல்கள் ஒரு குறிப்பிட்ட இயக்க பொறுப்பாளர்களால் பரப்பபட்டு வருவதாகவும், அது குறித்து உண்மைத் தகவல்களை தெரவிக்க வேண்டினர். நாம் அவை வெறும் வதந்திகள் என்று பதில் அளித்தும் வதந்தி ஓய்ந்தபாடில்லை. கடைக்கோடி உறுப்பினர்களும் இது குறித்து விசாரிக்க ஆரம்பித்து விட்டனர். இது பொது மாறுதல் கலந்தாய்வு மீது ஆசிரியர்கள் கொண்டுள்ள அதீத நம்பிக்கையையும், ஆர்வத்தையுமே காட்டுகிறது. இது குறித்து தமிழ்நாடு ஆரம்பப்பள்ளி ஆசிரியர் கூட்டணியின் மாநிலப் பொறுப்பாளர்கள் இயக்குநரிடம் மாறுதல் கலந்தாய்வை வெளிப்படையாக உடனடியாக நடத்த வேண்டும் என வலியுறுத்தியுள்ளனர். ஊடகங்களிலும் இது குறித்து மாநிலத் தலைவர் தோழர் கண்ணன் பேட்டியளித்துள்ளார். எனவே அரசு அதிகாரபூர்வமாக அறிவிக்கும் வரை ஆசிரியர்கள் இது குறித்து வரும் வதந்திகளை நம்ப வேண்டாம் என TNPTF கேட்டுக்கொள்கிறது. உண்மைச் செய்திகளை மட்டுமே இயக்க உறுப்பினர்களுக்கு தெரிவிக்க வேண்டும் என இயக்க பொறுப்பாளர்களளை TNPTF கேட்டுக்கொள்கிறது.