சென்னை, ஆக.21 - தமிழ்நாடு அரசு பணியாளர் தேர்வாணையம் தொகுதி-4 பணிகளுக்கான தேர்வ வருகிற 25.08.13 அன்று நடைபெறயுள்ளது. என தேர்வாணையம் குறிப்பு தெரிவித்துள்ளது. தமிழ்நாடு அரசுப் பணியாளர் தேர்வாணையம், வருகிற 25.08.2013 அன்று தொகுதி-4 பணிகளுக்கான தேர்வினை நடத்துகிறது. இத்தேர்வுக்கு விண்ணப்பித்த விண்ணப்பதாரர்களுக்கு, தேர்வுக்கூட நுழைவுச்சீட்டு கடந்த 14.08.2013 அன்று வெளியிடப்பட்டது.
இத்தேர்வுக்கென விண்ணப்பித்து உரிய கட்டணம் செலுத்தியும் தேர்வுக்கூட நுழைவுச்சீட்டு கிடைக்கப்பெறாதவர்கள், தாங்கள் விண்ணப்பித்து கட்டணம் செலுத்தியதற்கான படிவத்தினை 19.08.2013 க்குள், தேர்வாணையத்திற்கு, மின்னஞ்சல் மூலமாக அனுப்புமாறு கேட்டுக்கொள்ளப்பட்டிருந்தனர். அவ்வாறு 19.08.2013 வரை மின்னஞ்சல் அனுப்பியவர்களில், தொகுதி-4 க்கு விண்ணப்பித்த அனைவருக்கும் தேர்வுக்கூட நுழைவுச்சீட்டு தேர்வாணைய இணையதளத்தில் இன்று (20.08.2013) வெளியிடப்பட்டுள்ளது. விண்ணப்பதாரர்கள், தங்களது தொகுதி-4 க்குரிய பதிவெண்ணை (சுநபளைவசயவழை ெஐனு) உள்ளீடு செய்து தேர்வுக்கூட நுழைவுச்சீட்டினை பதிவிறக்கம் செய்துகொள்ளலாம்.
அவ்வாறு மின்னஞ்சல் அனுப்பியும் தேர்வுக்கூட நுழைவுச்சீட்டு கிடைக்கப்பெறாதவர்கள், தாங்களின் விண்ணப்பம் மற்றும் உரிய தேதியில் பணம் செலுத்தியதற்கான செலுத்துச்சீட்டு ஆகியவற்றின் நகலுடன், அவர்கள் தேர்வு எழுதுவதற்கென தேர்வு செய்த தேர்வுமையம் அமைந்துள்ள மாவட்ட ஆட்சியர் அலுவலகத்தில் பணியிலிருக்கும் தேர்வாணைய அலுவலரை 23.08.2013 மற்றும் 24.08.2013 அன்று அணுகுமாறு கேட்டுக்கொள்ளப்படுகிறார்கள்.
நிரந்தரப் பதிவில் மட்டுமே பதிவுசெய்து, தொகுதி-4 க்கு விண்ணப்பிக்காதவர்கள், விண்ணப்பக்கட்டணம், தேர்வுக்கட்டணம் செலுத்தாதவர்கள் இத்தேர்வுக்கு அனுமதிக்கப்படமாட்டார்கள்.
கருத்துகள் இல்லை:
கருத்துரையிடுக