அடலேறு வேங்கையே! தயாராகிவிட்டாயா? உன் அடுத்த கட்ட சுதந்திர போருக்கு!!!

அடலேறு வேங்கையே!
தயாராகிவிட்டாயா? உன் அடுத்த கட்ட சுதந்திர போருக்கு. ஆகத்து-30 உன் மாவட்ட தலைநகரத்தை உன் சகோதர ஆசிரியர்களால் நிலைகுலைய வைக்க உன் முயற்சிகள் முடுக்கப்பட்டுள்ளதா?. வெற்று வார்த்தைகளால் வீண் கதைகள் பேசி மீண்டும் உன் தரநிலையை தரம் தாழத்த போகிறாயா? உன் தர ஊதியம் உயராமல் சமுதாயத்தில் உன் தரம் உயரப்பேவதில்லை எனபது புரியுமா?. இல்லை எப்பொழுதும்போல் எதுவும் புரியாதது போல் என இருந்துவிட்டு இயக்க உணர்வாளர்கள் தன் சுக-துக்கங்களை மறந்து போராடி பெற்றத் தர இருக்கும் பலன்களை எவ்வித குற்ற உணர்வு இல்லாமல் பெறுவதற்கு ஏ.டி.எம். இயந்திரங்களின் குளிர் அறைகளில் குதூகலத்துடன் காத்திருக்கும் சாதாரண ஆசிரியர் போல் இருந்து விடப்போகிறாயா?. நாம் பெற்ற அனைத்து உரிமைகளும் நமது இயக்க முன்னோடிகளின் சமரசமற்ற போராட்டத்தினால் மட்டுமே கிடைத்தது என்பது நீ அறிவாயா?. கற்று கொடுப்பவன் நீ. உனக்கு கற்று கொடுக்க தேவையில்லை. கூட்டு போராட்டத்திற்கு முதல் கல்லை எடுத்து வைத்து அஸ்திவாரம் நமது பேரியக்கதால் பேர்டப்பட்டுவிட்டது. அந்த வேலையை இயக்க தலைமை பார்த்துக்கொள்ளும். நீ உன் வட்டாரத்தில், உன் மாவட்டத்தில் ஆசிரியர்களை ஒன்றிணைக்க உன்னால் முடிந்ததை செய்ய முற்படு. வருகிற 25.8.2013 அன்று குற்றாலத்தில் கூட இருக்கிற மாநில செயற்குழுவில் உன் விசயங்கள் விரிவாக அலசப்பட் இருக்கிறது. இந்த போராட்ட களத்தின் சூடு என்பது ஆட்சியாளர்களின் கவனத்தை திசை திருப்ப வாய்ப்பாக பயன்படுத்திக்கொள். இடைநிலை ஆசிரியர்களுக்கான ஊதிய மாற்ற போரை போராட்ட களம் பல கண்ட பிறப்பிலேயே போராளியாக உருவெடுத்த தமிழ்நாடு ஆரம்பப்பள்ளி ஆசிரயர் கூட்டணி  முதலாவதாக கையிலெடுத்துள்ளது. இந்த சந்தர்ப்பத்தை பயன்படுத்தா விட்டால் வருங்காலம் நிச்சயம் உன்னை சபிக்கும். தங்கம் செய்யாததை சங்கம் செய்யும். எனவே உன்னால் ஆன இயக்க பணியை ஆற்ற தயங்காதே. சங்கம் கடந்து சக ஆசிரியனையும் இப்போராட்டத்தில் பங்கெடுக்க மன்றாடு. ஆகத்து-30 எதிர் கால இயக்க வரலாற்றில் மறக்க முடியாத - மாற்ற முடியாத போராக பதிவு செய்யப்படவேண்டும்.  உன்னிடம் பல கட்டுரைகளை இது சம்பந்தமாக நான் எழுதியுள்ளேன். நீ அதை குறைந்தது பல நூறு ஆசிரியர்களுக்காவது பகிர முயற்சி செய். உனது மறியல் போர் உனது மாவட்டத்தில் ஒரு அதிர்ச்சி அலையை ஏற்படுத்த வேண்டும். உன் தரத்தை மீட்டெடுக்கவில்லையென்றால் வருகிற ஊதியக்குழுவில் தரம் தாழந்து போவாய். அதிகாலை 3 மணிக்கு இதை உனக்காக எழுதுகிறேன். கற்பித்தல் உன் முதல் பணி. அதே நேரத்தில் உன் உரிமையை எந்த இடத்திலும் இழக்காதே. உரிமையை இழந்தால் உணரவற்று போவாய். பல்வேறு ஊதிய குழுவில் நம்மை குறி வைத்து இந்த ஊதிய குழுவில் பகை தீர்த்து கொண்டது சில பகல் வேஷம் போடும் அதிகார வரக்கம். அவர்களின் முகமூடிகளை உனது போராட்ட வீச்சு பிய்தெறியட்டும். இப்பொழுதே உனது வெற்றி முரசு கொட்டட்டும். சென்ற போராட்ட களத்தில் இளைக்கப்பட்ட துரோகங்களை மறந்து அனைத்து சகோதர சங்கங்களையும் உடன் அழைத்து வா. போர் களத்தில் ஆக்ரோஷம் நிறைந்த உன் கோஷத்தை கேட்க உன்னோடு சேர்ந்து விண்ணை முட்டும் கோஷம் எழுப்ப ஆவலுடன் கார்த்திருக்கிறேன். போராட்டங்கள் விளையாட்டல்ல! கோரிக்கைகள் கேளிக்கையல்ல!! என்பதை ஆட்சியாளர்களை உணர வைப்போம். கொட்டட்டும் போர் முரசு. தோழா  உனக்காக போர்களத்தில் கோரிக்கைகள் வெல்லும் வரை போராட மூத்த தலைமுறைகளையும் உடன் அழைத்து வா. ஆசிரியப்பேரினமே அணி திரள்வோம!! சிறை நிரப்புவோம்!!!
தோழமையுடன்.........
ஆ.முத்துப்பாண்டியன்
TNPTF  மாவட்டத்தலைவர், சிவகங்கை மாவட்டம்