பிளஸ் 1, பிளஸ் 2 மாணவ மாணவியருக்கு மட்டும் வழக்கம்போல் வகுப்புகள் நடத்தப்படுகிறது. இந்தநிலையில், 6 முதல் 10 ம் வகுப்பு மாணவ மாணவியருக்கு முதல் இடைத்தேர்வு (மிட்டேர்ம் டெஸ்ட்) நடத்தப்படாமல் செப்டம்பரில் நேரடியாக காலாண்டு தேர்வு நடத்த முடிவு செய்யப்பட்டுள்ளது. பிளஸ் 1, பிளஸ் 2 வகுப்புகளுக்கு மட்டும் ஆகஸ்ட் மாதம், முதல் இடைத்தேர்வு நடத்த நடவடிக்கை எடுக்கப்பட்டுள்ளது.
இது தொடர்பாக தமிழ்நாடு முதுநிலை பட்டதாரி ஆசிரியர் கழக மாநிலத்துணைத்தலைவர் ஆண்ட்ரூ வல்சன், மாவட்ட செயலாளர் ராஜாராம் ஆகியோர் கூறியதாவது:
எந்த பாட திட்டம் என்பது முடிவு செய்யப்படாத நிலை தொடருகிறது. ஜூன் 1ம் தேதி பள்ளிகள் திறக்கப்பட்டால் ஜூலை 2 வது வாரத்தில் முதல் இடைத்தேர்வு நடத்தப்படுவது வழக்கம். ஆனால் 15 நாட்கள் தாமதமாக திறக்கப்பட்டதால், பிளஸ் 1, பிளஸ் 2 வகுப்புக்கு ஆகஸ்ட் முதல் வாரம் முதல் இடைத்தேர்வு நடத்தப்படுகிறது. 6 முதல் 10ம் வகுப்பு வரை பாடம் நடத்தப்படாததால் நேரடியாக அவர்கள் காலாண்டு தேர்வை எதிர்கொள்ள வேண்டியுள்ளது. இவ்வாறு அவர்கள் தெரிவித்தனர்.
கருத்துகள் இல்லை:
கருத்துரையிடுக