பக்கங்கள்

இலவச SMS களை உடனுக்குடன் பெற ON TNPTFSVG அல்லது ON TNPTFMuthupandian என்று type செய்து 9870807070 என்ற எண்ணிற்கு அனுப்பி இலவச குறுந்தகவல்களை(SMS) பெறுங்கள். DND (Do NOT Disturb) சர்வீஸ்ல் உள்ள எண்கள் அதனை(DND) நீக்கிய பிறகே இச்சேவையை பெறமுடியும். plz call 1909

மின்னஞ்சல் மூலம் பதிவுகளை பெறலாம்

Blogger Tips and TricksLatest Tips And TricksBlogger Tricks

5/07/2016

தொலை தூரத்தில் தேர்தல் பணி. ஆசிரியர்கள் அதிர்ச்சி. தேர்தல் ஆணையம் அளித்த உறுதிமொழியை அமுல்படுத்திட தமிழ்நாடு ஆரம்பப்பள்ளி ஆசிரியர் கூட்டணி வேண்டுகோள்



      சிவகங்கை: தமிழகத்தில் வருகிற மே 16ம் தேதி சட்டமன்றத் தேர்தல் நடைபெற உள்ளது. இப்பணியில் 1.97 லட்சம் பெண்கள் உட்பட 3.29 லட்சம் ஆசிரியர்கள் மற்றும் அரசு ஊழியர்கள் ஈடுபட உள்ளனர். இதில் வாக்குபதிவு நடைபெறும் வாக்குச்சாவடியில் தலைமை வாக்குப்பதிவு அலுவலர் முதல் அனைத்து நிலை வாக்குப்பதிவு அலுவலர்களாக பெரும்பாலும் ஆசிரியர்களே பணியாற்ற உள்ளனர். இவர்களில் 80 விழுக்காடுக்கு மேல் பெண் ஆசிரியர்கள் என்பதால் அவரவர் பணியாற்றும் தொகுதிகளிலேயே பணியமர்த்தப்படுவார்கள் என தேர்தல் ஆணையம் அளித்த உறுதி மொழிக்கு எதிராக 70 கி.மீட்டருக்கு அப்பால் தேர்தல் பணி வழங்கியுள்ளதால் ஆசிரியர்கள் அதிர்ச்சிக்குள்ளாகியுள்ளனர்.
இது குறித்து தமிழ்நாடு ஆரம்பப்பள்ளி ஆசிரியர் கூட்டணி மாநிலத்துணைத் தலைவர் ஜோசப்ரோஸ், மாவட்டத் தலைவர் தாமஸ் அமலநாதன், மாவட்டச் செயலாளர் முத்துப்பாண்டியன், மாவட்டப் பொருளாளர் குமரேசன், மாநிலச் செயற்குழு உறுப்பினர் புரட்சித்தம்பி ஆகியோர் கூட்டாக மாநிலத் தலைமைத் தேர்தல் அலுவலர் திரு.ராஜேஸ் லக்கானி மற்றும் சிவகங்கை மாவட்டத் தேர்தல் நடத்தும் அலுவலர் அவர்களுக்கு  அனுப்பியுள்ள கோரிக்கை மனுவில் கூறியுள்ளதாவது:

தமிழ்நாட்டில் வருகிற மே 16ம் தேதி நடைபெற உள்ள சட்டமன்றத் தேர்தலில் வாக்குப்பதிவு மையங்களில் பணியாற்ற வாக்குச்சவாடி தலைமை அலுவலர் மற்றும் வாக்குப்பதிவு அலுவலர்களாக ஆசிரியர்கள் நியமனம் செய்யப்பட்டு முதல்கட்ட பயிற்சி கடந்த 24ம் தேதி முடிந்துள்ள நிலையில் இன்று (7.5.16) நடந்த இரண்டாம் கட்ட பயிற்சி அவரவர் பணியாற்றும் சட்டமன்றத் தொகுதிகளில் நடத்தப்பட்டது. இப்பயிற்சியில் ஏற்கனவே தேர்தல் ஆணையம் வழங்கிய உறுதிமொழிக்கு முற்றிலும் எதிராக தொலை தூரங்களில் பணியமர்த்தப்பட்டுள்ளார்கள்.
அதாவது தேவகோட்டை மற்றும் சாக்கோட்டை வட்டாரங்களில் பணியாற்றும் ஆசிரியர்கள் திருப்புவனத்திற்கும், எஸ்.புதூர் மற்றும் காளையார்கோயில்  ஒன்றிய ஆசிரியர்கள் காரைக்குடி தொகுதிக்கும், மானாமதுரை, சிவகங்கை ஆசிரியர்கள் திருப்பத்தூர் தொகுதிக்கும், எஞ்சிய ஆசிரியர்கள் பல்வேறு பகுதிகளுக்கும் பரவலாக பணியமர்த்தப்பட்டுள்ளார்கள். இது ஆசிரியர்கள் பணியாற்றும் தொகுதியிலேயே பணியமர்த்தப்படுவார்கள் என தேர்தல் ஆணையம் அளித்த உறுதிமொழிக்கு முற்றிலும் எதிரானது ஆகும். இதனால் பயிற்சி மற்றும் தேர்தல் பணிக்கு செல்லும் ஆசிரியர்கள் மிகவும் சிரமங்களை எதிர்நோக்க வேண்டியுள்ளது.

மற்ற மாவட்டங்களிலிருந்து இங்கு பணியாற்றும் ஆசிரியர்களுக்கு இதுவரை தபால் வாக்கு வழங்கப்படவில்லை. இது குறித்து தெளிவான விளக்கத்தினை உதவித் தேர்தல் நடத்தும் அலுவலர்கள் கூறவில்லை. 100 சதவீத வாக்களிப்பை நிறைவு செய்ய தபால் வாக்கினை முறையாக குறிப்பிட்ட கால கெடுவுக்குள் வழங்க வேண்டும்.
மேலும் தேர்தல் பணியிலிருந்து விலக்களிக்க உறுதியளிக்கப்பட்ட கர்ப்பிணி மற்றும் பாலூட்டும் தாயார், கடுமையான அறுவைச்சிக்pச்சை செய்துகொண்டோர் என ஒருசில ஆசிரியர்களுக்கு மருத்துவச் சான்றிதழ் சமர்ப்பிக்கப்பட்ட நிலையிலும் மீண்டும் அவர்களுக்கு பணி உத்தரவு வழங்கப்பட்டள்ளது. இதை இரத்து செய்ய அவர்கள் மாவட்ட மற்றும் தாலுகா அலுவலகங்களுக்கு அலைய வேண்டிய நிலையுள்ளது. எனவே பாதிப்புக்குள்ளாகியுள்ள ஆசிரிர்களுக்கு தேர்தல் பணியிலிருந்து விலக்களிக்க வேண்டும்.

ஆசிரியர்களின் நலன் கருதி அவரவர் பணியாற்றும் தொகுதிக்குள்ளேயே தேர்தல் பணி வழங்கவும், ஒருசில இடங்களில் ஏற்பட்டுள்ள குறைகளை களைய நடவடிக்கை எடுக்க வேண்டுமாறு தமிழ்நாடு ஆரம்பப்பள்ளி ஆசிரியர் கூட்டணி சார்பில் கேட்டுக்கொள்வதாக தெரிவித்துள்ளனர்.
       

4/15/2016

ஆசிரியர் பொது மாறுதல் கலந்தாய்வை கோடை விடுமுறையில் நடத்திட வேண்டும். தொடக்கக்கல்வித் துறைக்கு தமிழ்நாடு ஆரம்பப்பள்ளி ஆசிரியர் கூட்டணி வேண்டுகோள்.


                         சிவகங்கை: தமிழகத்தில் தொடக்கக்கல்வித்துறையில் பணிபுரியும் ஆசிரியர்களுக்கான பொது மாறுதல் கலந்தாய்வு அந்தந்த மாவட்டத் தலைநகரில் மே மாதம் கோடை விடுமுறையில் நடத்துவது வழக்கம். ஆனால் இந்தாண்டு; பொது மாறுதல் கலந்தாய்விற்கான விண்ணப்பத்தை கூட சம்பந்தப்பட்ட ஆசிரியர்களிடம் இருந்து பெறாமல் கல்வித்துறை காலம் தாழ்த்தி வருகிறது. இது ஆசிரியர்களை அச்சமடைய செய்துள்ளது. இது குறித்து தமிழ்நாடு ஆரம்பப்பள்ளி ஆசிரியர் கூட்டணி மாநிலத் துணைத்தலைவர் ஜோசப்ரோஸ், மாவட்டத் தலைவர் தாமஸ் அமலநாதன், மாவட்டச் செயலாளர் முத்துப்பாண்டியன், மாவட்டப் பொருளாளர் குமரேசன், மாநிலச் செயற்குழு உறுப்பினர் புரட்சித்தம்பி ஆகியோர் கூட்டாக வெளியிட்டுள்ள அறிக்கையில் கூறியிருப்பதாவது:
        தமிழ்நாட்டில் தொடக்கக்கல்வித்துறையில் பணிபுரியும் ஆசிரியர்கள் மற்றும் மாணவர்கள் நலன் கருதி தமிழக அரசு வெளிப்படையான பொது மாறுதல் கலந்தாய்வை ஒவ்வொரு மே மாத விடுமுறையிலும் நடத்துவது வழக்கம். கலந்தாய்வில் பங்கு பெற விரும்பும் ஆசிரியர்களிடம் ஏப்ரல் மாத இறுதிக்குள் மாறுதல் விண்ணப்பம் உதவித் தொடக்கக்கல்வி அலுவலகத்தால் பெறப்பட்டு மாவட்டத் தொடக்கக்கல்வி அலுவலகத்திற்கு அனுப்பப்படும். மாவட்டத் தொடக்கக்கல்வி அலுவலரால் பணியிட மூப்பின் அடிப்படையில் ஒன்றியம் வாரியாக ஆசிரியர் பட்டியலும் காலிப் பணியிட விபரமும் வெளியிடப்படும். இதில் ஆசிரியர்கள் தங்களுக்கு விருப்பப்பட்ட காலி பணியிடங்களை பணியிட மூப்பின் அடிப்படையில் வெளிப்படையான கலந்தாய்வின் மூலம் பெற்றுக்கொள்வர். மாறுதல் பெற்ற ஆசிரியர்கள் வருகிற கல்வி ஆண்டின் முதல் நாளில் அதாவது ஜூன் முதல் நாளில் தாங்கள் மாறுதல் பெற்ற பள்ளியில் புதிதாக பணியேற்றுக் கொள்வார்கள். இதனால் மாணவர்கள் நலன் பாதிக்கப்படாமல் காக்கப்பட்டது. ஆசிரியர்களும் தங்கள் குடும்பங்களை எளிதாக புதிய இடத்திற்கு இடம்பெயர்வு செய்வதற்கு வசதியாகவும் இருந்தது.
        கடந்தாண்டு சரியான திட்டமிடல் இல்லாததால் பள்ளி திறந்த பின்பு மாறுதல் கலந்தாய்வு நடைபெற்றது. இதனால் ஆசிரியர்கள் புதிய இடங்களில் பணியேற்பதில் மிகுந்த சிரமத்திற்கு உள்ளானார்கள். அக்கலந்தாய்விலும் அரசாணைகளையும், செயல் முறைகளையும் புறந்தள்ளிவிட்டு  அரசியல்வாதிகள் மற்றும் அதிகாரிகளின் தலையீட்டால் பல்வேறு காலிப் பணியிடங்கள் மறைக்கப்பட்டதால் நியாயமாக கலந்தாய்வில் பங்கேற்ற மூத்த ஆசிரியர்கள் உரிய பணியிடங்கள் கிடைக்காமல் பாதிக்கப்பட்டனர். இதனால்  ஆசிரியர் இயக்ககங்களில் கடுமையான எதிர்ப்பை கல்வித்துறை எதிர் நோக்க வேண்டியிருந்தது. 
        ஆனால் இந்தாண்டு இதுவரை மாறுதல் விண்ணப்பம் அளிப்பதற்கு எவ்வித அறிவிப்பும் கல்வி துறையால் வெளியிடப்படவில்லை. பள்ளி நிறைவடைவதற்கு இன்னும் ஓரு சில நாட்களே உள்ள நிலையில் கல்வி துறை மௌனம் சாதிப்பது என்பது வெளி மாவட்டம் மற்றும் மற்ற ஒன்றியங்களுக்கு மாறுதல் கோரி பல ஆண்டுகளாக காத்திருக்கும் ஆசிரியர்களுக்கு அச்சத்தை ஏற்படுத்தியுள்ளது. கல்வி அதிகாரிகளும் மேலிட தகவல்கள் இல்லாமல் இது குறித்து கருத்து கூற மறுக்கின்றனர். எனவே கல்வித்துறை வருகிற சட்டமன்றத் தேர்தலை காரணம் காட்டாமல் உடனடியாக தேர்தல் ஆணையத்தின் உரிய அனுமதியுடன் ஆசிரியர்களிடம் விருப்ப மனுவை பெற்று காலிப்பணியிடங்களை வெளிப்படையாக அறிவிக்க வேண்டும். மே மாத விடுமுறையிலேயே பொது மாறுதல் கலந்தாய்வை நடத்துவதுடன் தகுதியானவர்களுக்கு பதவி உயர்வையும் அளித்திட வேண்டும் என எங்கள் அமைப்பின் சார்பாக கேட்டுக்கொள்கிறோம்.

4/06/2016

நமது கோரிக்கை இன்றைய தினமணியில் - 6.4.2016

வாக்களிப்பு உறுதி மொழிப் படிவங்களை பள்ளிகளுக்கு கூடுதலாக வழங்கக் கோரிக்கை

  • வாக்களிப்பை உறுதிசெய்யும் வகையிலான உறுதிமொழிப் படிவங்களை மாணவர்களின் எண்ணிக்கைக்கு ஏற்ப பள்ளிகளுக்கு தேர்தல் ஆணையம் வழங்கவேண்டும் என்று தமிழ்நாடு ஆரம்பப்பள்ளி ஆசிரியர் கூட்டணி கோரிக்கை விடுத்துள்ளது.

இதுகுறித்து அதன் மாவட்டச் செயலாளர் ஆ.முத்துப்பாண்டியன் மாவட்ட ஆட்சியருக்கு அனுப்பியுள்ள கோரிக்கை மனுவில் தெரிவித்திருப்பதாவது:
தேர்தலில் வாக்களிக்க மாணவர்களின் பெற்றோர்களிடம் வழங்குவதற்கு உறுதிமொழிப்படிவங்களை பள்ளிகளுக்கு தேர்தல் ஆணையம் வழங்கியுள்ளது. ஜனநாயகத்தின் மீது நம்பிக்கையுடைய இந்தியக் குடிமக்க ளாகிய நாங்கள் எந்த ஒரு ஜாதி, மத, இன, வகுப்பு மற்றும் மொழி பாகுபாடில்லாமல் வாக்களிப்போம் என்கின்ற உறுதிமொழியைப் பெறுவதற்காக இப்படிவங்களை வழங்கியுள்ளனர். ஆனால் மாணவர்களின் எண்ணிக்கைக்கு ஏற்ப படிவங்கள் வழங்காமல், பள்ளிக்கு ஒன்று வீதம் வழங்கப்பட்டுள்ளது. சிவகங்கை மாவட்டத்தில் மட்டும் தொடக்கக் கல்வித்துறையின் கீழ் 1,149 தொடக்க நடுநிலைப்பள்ளிகள் உள்ளன. இதில் சுமார் 68 ஆயிரம் மாணவ, மாணவியர்கள் பயின்று வருகின்றனர். இவர்களுக்கு படிவத்தை நகலெடுத்துக்கொடுப்பதில் தலைமை யாசிரியர்கள் சிரமங்களை எதிர்கொள்ள வேண்டியுள்ளது. எனவே மாவட்டத் தேர்தல் பிரிவு, பள்ளியில் உள்ள மாணவர்களின் எண்ணிக்கைக்கு ஏற்ப உறுதிமொழி படிவங்களை அச்சடித்து வழங்கவேண்டும் என்று தெரிவித்துள்ளார்.

நமது கோரிக்கை இன்றைய தினமலரில் - 6.4.2016


3/29/2016

நமது கோரிக்கை தினமணியில் 26.3.2016


நமது கோரிக்கை இன்றைய தினகரனில் - 29.3.2016


நமது கோரிக்கை மாலைமலரில் 28.3.2016


3/25/2016

வருந்துகிறோம்

வருந்துகிறோம்...
தமிழ்நாடு ஆரம்பப்பள்ளி ஆசிரியர் கூட்டணி, சிவகங்கை மாவட்டத் தலைவர் திரு.தாமஸ் அமலநாதன் அவர்களின் தாயார் திருமதி.அருளாயி அவர்கள் சற்று நேரத்திற்கு முன்பு காலமானார். அம்மையாரது இறுதிச்சடங்கு நாளை(26.3.2016) காலை 10.00 மணிக்கு காளையார்கோவில் அருகில் உள்ள சீகூரணியில் நடைபெறும். இயக்கம் தன் ஆழ்ந்த வருத்தத்தை தெரிவித்துக்கொள்கிறது.
வருத்தத்தை பகிர்ந்துகொள்ள திரு.தாமஸ் அவர்களின் அலைபேசி எண்:9942035710, 9443883580

3/24/2016

20.3.2016 - மாநிலச் செயற்குழு முடிவுகள்



ஆசிரியர்களிடம் பிடித்தம் செய்த வரித் தொகையினை செய்ய E-TDS வேண்டி மாவட்டத் தொடக்கக்கல்வி அலுவலர் மற்றும் உதவித் தொடக்கக்கல்வி அலுவலர்களுக்கு சிவகங்கை மாவட்டச் செயலாளரின் கடிதம்.

 ஆசிரியர்களிடம் பிடித்தம் செய்த வரித் தொகையினை செய்ய E-TDS வேண்டி மாவட்டத் தொடக்கக்கல்வி அலுவலர் மற்றும் உதவித் தொடக்கக்கல்வி அலுவலர்களுக்கு சிவகங்கை மாவட்டச் செயலாளரின் கடிதம்.



3/20/2016

20.3.2016 மாநிலச் செயற்குழு துளிகள்


1. 6வது மாநில மாநாடு குறித்து விரிவான ஆய்வு மேற்கொள்ளப்பட்டது. நிறை, குறைகள், சுய விமர்சனம் ஆகியவை ஜனநாயக முறையில் கருத்துகள் பதியப்பட்டன.
2. மாநில மாநாட்டிற்கு உழைத்த அனைவருக்கும் வாழ்துகள் தெரிவிக்கப்பட்டது. குறிப்பாக தூத்துக்குடி மாவட்டக்கிளைக்கு சிறப்பான பாராட்டுகள் தெரிவிக்கப்பட்டது.
3. நிதி நிலுவைகள் வருகிற ஏப்ரல் மாதத்திற்குள் நிறைவு செய்ய முடிவாற்றப்பட்டது.
4. மாநில மாநாடு வரவு-செலவு அறிக்கை மாநிலப் பொருளாளரால் படைக்கப்பட்டது. மாநிலச் செயற்குழு ஏற்பு செய்துள்ளது.
5. தமிழ்நாடு ஆரம்பப்பள்ளி ஆசிரியர் கூட்டணியும், தமிழ்நாடு அரசு ஊழியர் சங்கமும் இணைந்த போராட்டம் குறித்து விரிவாக அலசப்பட்டது. தமிழக வரலாற்றில் இப்போராட்டம் ஒரு மைல்கல் என மாநிலச் செயற்குழு பாராட்டியது.
6. வருகிற ஜூன் 4,5 தேதிகளில் மாநிலச் செயற்குழு மற்றும் மாநிலப் பொதுக்குழு கூட்டம் நடத்துவது என முடிவாற்றப்பட்டது. இக்கூட்டத்தை நாமக்கல் மாவட்டம் கொல்லிமலையிலோ, ஈரோடு மாவட்டம் சத்தியமங்கலத்திலோ நடத்தப்படலாம் என்ற முன்மொழிவை மாநில மையம் வைத்துள்ளது. 
7. STFI சர்பாக வருகிற மே மாதம் 27, 28 தேதிகளில் திருவனந்தபுரத்தில் நடைபெறும் பெண் ஆசிரியர் பயிற்சி வகுப்பில் நமது அமைப்பின் சார்பாக 20 பெண் ஆசிரியர்கள் கலந்துகொள்வது என முடிவாற்றப்பட்டது.
8. வருகிற காலங்களில் அரசு ஊழியர் சங்கத்துடன் இணைந்து ஒரு விரிவான போராட்டத்தை முன்னெடுக்க வேண்டும் என மாநிலச் செயற்குழு கேட்டுக்கொண்டுள்ளது.
7. 7வது மாநில மாநாடு நடத்துவதற்கு சிவகங்கை மாவட்டத்திற்கு வாய்ப்பு வழங்க வேண்டும் என சிவகங்கை மாவட்டச் செயலாளரால் கோரிக்கை வைக்கப்பட்டது.
8. 6வது மாநில மாநாடு வரவேற்பு குழு முறையாக கலைக்கப்பட்டது.
9. 6வது மாநில மாநாட்டில் சிறப்பாக பணியாற்றிய தன்னார்வலர்களுக்கு மாநில மையம் நினைவு பரிசு வழங்கி கௌரவித்தது.
10. பல்வேறு இயக்கங்களில் இருந்து நமது அமைப்பில் இணைய விருப்பம் தெரிவித்துள்ள மாவட்டங்களில் இணைப்பு விழா நடத்துவதற்கும், அதில் மாநிலப் நிர்வாகிகள் கலந்துகொள்வதற்கும் இசைவு தெரிவித்துள்ளனர்.
தகவல் பகிர்வு:
ஆ.முத்துப்பாண்டியன்
மாவட்டச் செயலாளர்
சிவகங்கை மாவட்டம்


3/10/2016

ஆசிரியர்களுக்கு ஊதியம் வழங்காததால் கல்லல் உதவித் தொடக்கக்கல்வி அலுவலகம் முற்றுகை. 100க்கும் மேற்பட்ட ஆசிரியர்கள் நள்ளிரவு வரை போராட்டம்.

சிவகங்கை: சிவகங்கை மாவட்டம் கல்லல் ஒன்றியத்தில் பணியாற்றும் அரசு உதவி பெறும் பள்ளிகள் தனியாக வரி விலக்கு கணக்கு எண்(TAN) பெறவில்லை என 30க்கும் மேற்பட்ட ஆசிரியர்களுக்கு பிப்ரவரி மாதம் சம்பளம் நிறுத்தி வைக்கப்பட்டது. மாவட்டத்தில் மற்ற ஒன்றியங்களிலில் உதவித் தொடக்கக்கல்வி அலுவலரின் வரிவிலக்கு கணக்கு எண் மூலம் ஊதியம் வழங்கப்பட்ட நிலையில் கல்லல் உதவித் தொடக்கக்கல்வி அலுவலர்கள் மட்டும் மாறுபட்டு செயல்படுவதாக ஆசிரியர்கள் குற்றம் சாட்டினார்கள். இது குறித்து தமிழ்நாடு ஆரம்பப்பள்ளி ஆசிரியர் கூட்டணி மாவட்ட நிர்வாகிகள் மாவட்டத் தொடக்கக்கல்வி அலுவலருடன் கடந்த 2ந் தேதி நடத்திய பேச்சு வார்த்தையில் மார்ச் 4ந் தேதிக்குள் சம்பளம் வழங்கப்படும் என உறுதியளிக்கப்பட்டது. ஆனால் இது வரை ஊதியம் வழங்கப்படாததால் 20க்கும் மேற்பட்ட பெண் ஆசிரியர்கள் உள்ளிட்ட 100க்கும் மேற்பட்ட ஆசிரியர்கள் கல்லல் உதவித் தொடக்கக்கல்வி அலுவலகத்தை முற்றுகையிட்டு நள்ளிரவு வரை போராட்டம் நடத்தினார்கள்.
நேற்று (9.3.16) மாலை தமிழ்நாடு ஆரம்பப்பள்ளி ஆசிரியர் கூட்டணி கல்லல் வட்டாரத் தலைவர் ஜான் இக்னேஷியஸ் தலைமையில் 100க்கும் மேற்பட்ட ஆசிரியர்கள் கல்லல் உதவித் தொடக்கக்கல்வி அலுவலகத்தில் ஒன்று கூடினர். அதன்பின் மாநிலத் துணைத்தலைவர் ஜோசப்ரோஸ், மாவட்டத் தலைவர் தாமஸ் அமலநாதன், மாவட்டச் செயலாளர் முத்துப்பாண்டியன், மாவட்டப் பொருளார் குமரேசன், மாநிலச் செயற்குழு உறுப்பினர் புரட்சித்தம்பி, மாநிலப்பொதுக்குழு உறுப்பினர் சிங்கராயர், கல்லல் வட்டாரச் செயலாளர் சேவியர் சத்தியநாதன், மாவட்டத் துணைத் தலைவர் சூசைராஜ், பொருளாளர் ஜஸ்டின் திரவியம் உள்ளிட்ட நிர்வாகிகள் கூடுதல் உதவித் தொடக்கக்கல்வி அலுவலர் இராமர் அவர்களிடம் 30க்கும் மேற்பட்ட ஆசிரியர்களுக்கு ஊதியம் வழங்காதது குறித்து விளக்கம் கேட்டனர். மேலும் உதவித் தொடக்கக்கல்வி அலுவலர் மூர்த்தி உடனடியாக அலுவலகத்திற்கு வரவேண்டும் எனவும் கோரிக்கை விடுத்தனர். ஒரு கட்டத்தில் வாக்குவாதம் முற்றி முற்றுகை போராட்டமாக மாறியது. ஆசிரியர்களுக்கு ஊதியம் பெற்று தராமல் அலுவலகத்தை விட்டு நகர மாட்டோம் என ஆசிரியர்கள் அனைவரும் காத்திருப்பு போராட்டத்தில் ஈடுபட்டனர். மேலும் மாவட்டத்தில் மற்ற ஒன்றியங்களில் உள்ள நடைமுறைப்படி கல்லல் ஒன்றியத்தில் பணியாற்றும் ஆசிரியர்களுக்கு ஊதியம் வழங்க வேண்டும் என்று கோஷங்கள் எழுப்பினர். இதனால் அங்கு பதட்டம் நிலவியது. 
தகவல் அறிந்து அங்கு விரைந்து வந்த  காரைக்குடி வட்டாட்சியர் கண்ணன், கல்லல் காவல் ஆய்வாளர் கணபதி ஆகியோர் சங்க நிர்வாகிகளுடன் பேச்சு வார்த்தை நடத்தினர். மாவட்டத் தொடக்கக்கல்வி அலுவலருடனும் அலைபேசியில் பேச்சு வார்ததை நடத்தப்பட்டது. பேச்சு வார்த்தை முடிவில் கூடுதல் உதவித் தொடக்கக்கல்வி அலுவலர் இராமர் ஆசிரியர்களின் ஊதிய பட்டியலில் உடனடியாக கையெழுத்திட்டார். மேலும் உதவித் தொடக்கக்கல்வி அலுவலர் மூர்த்தி அவர்களின் கட்டுபாட்டில் உள்ள மற்ற 6 பள்ளிகளில் பணியாற்றும் ஆசிரியர்களுக்கு 10ந் தேதி காலை சம்பள பட்டியல் கையெழுத்திட்டு கருவூலத்தில் ஒப்படைக்கப்படும் எனவும் ஓரிரு நாட்களில் ஊதியம் அவரவர் வங்கி கணக்கில் வரவு வைக்கப்படும் என வட்டாட்சியர் உறுதியளித்ததின் பேரில் ஆசிரியர்கள் கலைந்து சென்றனர். 



3/02/2016

தமிழ்நாடு அரசு ஊழியர் சங்கமும், தமிழ்நாடு ஆரம்பப்பள்ளி ஆசிரியர் கூட்டணியும் இணைந்து தாலுகா அலுவலகம் முன்பு நாளை ஆர்ப்பாட்டம்.


நாளை அனைத்து தாலுகா அலுவலகம் முன்பும் நாளை ஆர்ப்பாட்டம்
1. முதல்வர் அவர்கள் 110 விதியின் கீழ் அறிவித்த அறிவிப்புகளில் எஞ்சியுள்ளவற்றிற்கு அரசாணை வெளியிட வேண்டுதல்
2. தன் பங்கேற்பு ஓய்வூதிய திட்டத்தை பழைய ஓய்வூதிய திட்டமாக மாற்றுவதற்கான குழு உறுப்பினர்களின் பெயர் பட்டியலை வெளியிட வேண்டுதல்
3. 7வது ஊதியக்குழு பரிந்துரை குழுவினை அறிவிப்பதோடு இடைநிலை ஆசிரியர்களின் ஊதிய இழப்பை சரி செய்யப்படும் என்ற உறுதி மொழியையும் இணைத்து ஆணை வெளியிட வேண்டுதல்.
4. வேலை நிறுத்த காலத்தை முறைப்படுத்தி ஆணை வெளியிட வேண்டுதல்
உள்ளிட்ட கோரிக்கைகளை வலியுறுத்தி நாளை மாலை அனைத்து தாலுகா அலுவலகம் முன்பும் ஆர்ப்பாட்டம் நடைபெறும். அனைத்து ஆசிரியர்களும் திரளாக பங்கேற்பீர்.
தோழமையுடன்...
ஆ.முத்துப்பாண்டியன்
சிவகங்கை மாவட்டச் செயலாளர்

2/25/2016

வருந்துகிறோம்.

தமிழ்நாடு ஆரம்பப்பள்ளி ஆசிரியர் கூட்டணி, சிங்கம்புணரி வட்டாரக் கிளையின் பொருளாளரும், சிறுமருதூர் நடுநிலைப்பள்ளியின் கணித பட்டதாரி ஆசிரியருமான திரு.மு.பாலசுப்பிரமணியன் அவர்களின் பாட்டி திருமதி.குருவம்மாள் அவர்கள் தற்பொழுது காலமானார். அன்னாரது இறுதிச்சடங்கு நாளை (26.2.2016) பிற்பகல் 3.00 மணிக்கு சிங்கம்புணரி பாரதிநகரில் அமைந்துள்ள அவரது இல்லத்திலிருந்து நடைபெறும். அம்மையாரின் மறைவிற்கு தமிழ்நாடு ஆரம்பப்பள்ளி ஆசிரியர் கூட்டணி, சிவகங்கை மாவட்டக் கிளை தனது ஆழ்ந்த இரங்கலை தெரிவித்துக்கொள்கிறது. 

சிவகங்கையில் தொடர் வேலை நிறுத்த விளக்கக் கூட்டம்

இனிய தோழமைகளே...
தமிழ்நாடு அரசு ஊழியர் சங்கமும், தமிழ்நாடு ஆரம்பப்பள்ளி ஆசிரியர் கூட்டணியும் இணைந்த போராட்ட குழுவின் சார்பாக நடந்த தொடர் வேலை நிறுத்தம், அதையொட்டி நடைபெற்ற அமைச்சர் அளவிலான பேச்சு வார்த்தை மற்றும் துறை செயலர்களின் சந்திப்பு ஆகியவை குறித்தும், தற்போதைய நிலை குறித்தும் மாநில நிர்வாகிகள் வருகிற 27.2.2016 அன்று காலை 10 மணிக்கு சிவகங்கை மாவட்ட அலுவலகத்தில் விளக்க இருக்கிறார்கள். மேலும் தங்களின் சந்தேகங்களுக்கும் விளக்கமளிக்க இருக்கிறார்கள். எனவே இயக்த்தின் மாநில, மாவட்ட, வட்டார, நகர நிர்வாகிகளும் மற்றும் உறுப்பினர்களும் தவறாது பங்கேற்க வேண்டுகிறேன்.
என்றும் இயக்க பணியில்
ஆ.முத்துப்பாண்டியன்
மாவட்டச் செயலாளர்
தமிழ்நாடு ஆரம்பப்பள்ளி ஆசிரியர் கூட்டணி
சிவகங்கை மாவட்டம்

2/24/2016

இச்சந்திப்பில் முக்கிய துளிகள்

இன்று தமிழ்நாடு அரசு ஊழியர் சங்க பொறுப்பாளர்கள் மற்றும் தமிழ்நாடு ஆரம்பபப்ள்ளி ஆசிரியர் கூட்டணி மாநிலத் தலைவர் திரு.மோசஸ் ஆகியோர் பணியாளர் மற்றும் நிர்வாகச் சீர்திருத்தத்துறை செயலாளர் திரு.பா.வி.டேவிதார் அவர்களையும் மற்றும் நிதி துறையில் அரசின் கூடுதல் தலைமைச் செயலாளர் திரு. கே.சண்முகம் அவர்களையும் சந்தித்து கோரிக்கைகள் குறித்து விவாதித்தனர்.
இச்சந்திப்பில் முக்கிய துளிகள்:
1.முதல்வர் அறிவித்த அறிவிப்புகளில் எஞ்சியுள்ளவைகளுக்கு ஓரிரு நாளில் அரசாணை வெளியீடு
2. சி.பி.எஸ். திட்டத்தில் ஓய்வு பெற்றவர்கள் மற்றும் இறந்தவர்களுக்கு உடனடியாக பங்கு தொகையுடன், அரசின் பங்கும் சேர்த்து தொகை வழங்கிட அரசாணை இரண்டு நாட்களுக்குள் வெளியிட உறுதி
3. சி.பி.எஸ். திட்டத்தை பழைய ஓய்வூதிய திட்டமாக மாற்ற அமைக்கப்படவுள்ள குழு உறுப்பினர்களின் பட்டியல் விரைவில் வெளியிட உறுதி.
4. இடைநிலை ஆசிரியர்களின் ஊதிய மாற்றம் குறித்து விரிவான ஆலோசனை செய்யப்பட்டு வருவதாகவும் தற்பொழுது உள்ள சூழலில் இயலவில்லையென்றால் 7வது ஊதியக்குழுவில் இக்குறைகள் களையப்படும் வண்ணம் உடனடியாக குழு உறுப்பினர்களை அறிவிப்பது என உறுதி அளிக்கப்பட்டுள்ளது. இயக்கத்தின் பிரதான கோரிக்கையான இடைநிலை ஆசிரியர்களின் ஊதிய மாற்றத்தில் அதிக கவனம் கொடுக்கப்பட வேண்டும் என நமது சார்பில் அழுத்தம் கொடுக்கப்பட்டுள்ளது.
5.வேலைநிறுத்த நாட்களில் ஊதியம் பிடித்தம் இல்லையெனவும், அதை முறைப்படுத்திடவும் ஆணை வழங்கப்படும் எனவும் உறுதி அளிக்கப்பட்டது
அலைபேசி வழி தகவல்: திரு.ச.மோசஸ், மாநிலத் தலைவர்
பகிர்வு: திரு.ஆ.முத்துப்பாண்டியன், சிவகங்கை மாவட்டச் செயலாளர்

2/22/2016

சிவகங்கை மாவட்டப் பொதுக்குழு முடிவுகள் இன்றைய தினமலர் நாளிதழில் 22.2.2016


சிவகங்கை மாவட்டப் பொதுக்குழு முடிவுகள் இன்றைய தினகரன் நாளிதழில் 22.2.2016


சிவகங்கை மாவட்டப் பொதுக்குழு முடிவுகள் இன்றைய தினத்தந்தி நாளிதழில் 22.2.2016


2/20/2016

வேலை நிறுத்த போராட்டம் தற்காலிகமாக ஒத்தி வைப்பு. அரசு ஊழியர் ஆசிரியர் போராட்டக்குழு அறிவிப்பு.

இன்று நடைபெற்ற அரசு ஊழியர் மற்றும் அனைத்து ஆசிரியர் போராட்டக்குழு தற்பொழுது நடத்தி வரும் தொடர் வேலை நிறுத்த போராட்டத்தை தற்காலிகமாக ஒத்தி வைப்பதாக அறிவித்துள்ளது. நிதியமைச்சர் உள்ளிட்ட அமைச்சர்கள் குழு நமது போராட்டக்குழுவை தற்பொழுது பேச்சு வார்த்தைக்கு அழைத்துள்ளது. முதல்வரின் அறிவிப்புகளில் மேற்கொள்ள வேண்டிய திருத்தங்கள் குறித்து அறிக்கையையும் அமைச்சர் குழு கோரியுள்ளது.
முதல்வர் அவர்கள் சட்டமன்றத்தில் அறிவித்த நமது அறிவிப்புகளை சில திருத்தங்களுடன் அரசாணை வெளியிடவும், மத்திய அரசு ஊழியருக்கு இணையான ஊதியம் இடைநிலை ஆசிரியர்களுக்கு வழங்க வேண்டும் என்ற பிரதான கோரிக்கையை மையப்படுத்தியும் நமது போரட்டக்குழு சார்பாக தயாரிக்கப்பட்ட அறிக்கையுடன் மாநில பொறுப்பாளர்கள் இன்று இரவு 8.00 மணிக்கு அமைச்சர் பெருமக்களை சந்திக்கின்றனர். அதன் அடிப்படையில் போராட்டம் தற்காலிகமாக ஒத்தி வைக்கப்பட்டுள்ளது. குறிப்பிட்ட கால கெடுவுக்குள் கோரிக்கைள் நிறைவேறாவிட்டால் அடுத்தகட்ட நடவடிக்கை குறித்து போராட்டக்குழு கூடி முடிவு செய்யும்.
தகவல்: திரு.செ.பாலச்சந்தர், பொதுச்செயலாளர், தமிழ்நாடு ஆரம்பப்பள்ளி ஆசிரியர் கூட்டணி
பகிர்வு: திரு.ஆ.முத்துப்பாண்டியன், சிவகங்கை மாவட்டச் செயலாளர்

2/16/2016

சிவகங்கை மாவட்டத்தில் அரசு ஊழியர்கள் சாலை மறியல்: 2000 பேர் கைது

சிவகங்கை மாவட்டத்தில் அரசு ஊழியர்கள் சாலை மறியல்: 2000 பேர் கைது

சிவகங்கை மாவட்டத்தில் கோரிக்கைகளை வலியுறுத்தி மறியல் போராட்டம் நடத்திய அரசு ஊழியர்கள் 2000 பேர் கைது செய்யப்பட்டனர்.
  ஊதிய உயர்வு, புதிய ஓய்வூதிய திட்டம் ரத்து உள்ளிட்ட பல்வேறு கோரிக்கைகளை வலியுறுத்தி தமிழ்நாடு அரசு ஊழியர் சங்கங்கள் வேலை நிறுத்தப் போராட்டத்தில் ஈடுபட்டுள்ளன. இதில், தமிழ்நாடு ஆரம்பப் பள்ளி ஆசிரியர் கூட்டணியினரும் திங்கள்கிழமை இணைந்து போராடினர். 
 சிவகங்கையில் அரண்மனைவாசல் முன்பாக அரசு ஊழியர்கள் அனைவரும் திரண்டு ஆர்ப்பாட்டம் நடத்தினர். அரசு ஊழியர் சங்க மாவட்டத்தலைவர் செல்வக் குமார் தலைமையில் சாலை மறியலில் ஈடுபட்டனர். அவர்களைத் தடுத்து 707 பேரை போலீஸார் கைது செய்தனர்.
காரைக்குடி:காரைக்குடியில் கண்ணதாசன் மணி மண்டபம் முன்பாக அரசு ஊழியர் சங்கத்தினர் ஆர்ப்பாட்டத்தில் ஈடுபட்டனர். பின்னர் அங்கிருந்து, போராட்டக் குழுவின் சிவகங்கை மாவட்டத் தலைவர் செல்லமுத்து தலைமையில், காரைக்குடி வட்டாச்சியர் அலுவலகம் முன்பாக மறியல் செய்வதற்கு ஊர்வலமாக புறப்பட்டனர். அப்போது டி.எஸ்.பி (பொறுப்பு) கருப்புச்சாமி தலைமையிலான போலீஸார் தடுத்து நிறுத்தியதால் சாலையில் அமர்ந்து மறியலில் ஈடுபட்டனர். அவர்களை அப்புறப்படுத்தி 312 பெண்கள் உள்பட 363 பேரை போலீஸார் கைது செய்தனர்.
 மானாமதுரை: மானாமதுரை வட்டாட்சியர் அலுவலகம் முன்பு நடந்த மறியல் போராட்டத்தில் பெண்கள் உள்பட 450 -க்கும் மேற்பட்ட அரசு ஊழியர்கள், சத்துணவு ஊழியர்கள், அங்கன்வாடி பணியாளர்கள் கலந்து கொண்டனர். மறியலின்போது தங்களது கோரிக்கைகளை நிறைவேற்றக்கோரி கோஷம் எழுப்பினர். மறியல் போராட்டத்தில் ஈடுபட்டவர்களை போலீஸார் கைது செய்தனர்.
 திருப்பத்தூர்:  திருப்பத்தூர் அண்ணாசிலையருகே நடைபெற்ற போராட்டத்தில், ஆரம்பப் பள்ளி ஆசிரியர் கூட்டணி மாவட்டச் செயலாளர் முத்துப்பாண்டி தலைமை வகித்தார். தமிழ்நாடு அரசு ஊழியர் சங்க மாவட்டத் துணைத் தலைவர் சுரேஷ், வட்டக்கிளைச் செயலர் மகாலிங்க ஜெயகாந்தன் முன்னிலை வகிக்க அரசு ஊழியர் சங்கத்தினர் 460 பேர் சாலை மறியலில் ஈடுபட்டனர். பின்னர் போலீஸாரால் கைது செய்யப்பட்டு திருமண மண்டபத்தில் தங்க வைக்கப்பட்டனர். மறியலில் ஊரக வளர்ச்சித் துறை சாலைப்பணியாளர் சங்கம், சத்துணவு மற்றும் அங்கன்வாடிப் பணியாளர்கள், மருந்தாளுநர்கள் சங்கம் ஆகிய சங்கங்களைச் சேர்ந்த ஊழியர்கள் கலந்து கொண்டனர்.
இளையான்குடி: இளையான்குடி வாள்மேல்நடந்த அம்மன் கோயில் அருகே அரசு ஊழியர்கள், சத்துணவு மற்றும் அங்கன்வாடி, ஊட்டச்சத்து ஊழியர்கள், ஆசிரியர்கள் மறியல் போராட்டம் நடத்தினர். இப் போராட்டத்தில் 211 பெண்கள் உள்பட 258 பேர் கலந்து கொண்டு கோரிக்கைகளை வலியுறுத்தி கோஷம் எழுப்பினர். போலீசார் அவர்களைக் கைது செய்தனர்.

2/13/2016

இனியும் காலம் செல்லாது இடைநிலை ஆசிரியத் தோழனே!

இனியும் காலம் செல்லாது
இடைநிலை ஆசிரியத் தோழனே!
காரணங்கள் ஏதும் சொல்லாது
களமிறங்கு வேலை நிறுத்தத்தில்!!
இழப்பதற்கு இனியேதும் நமக்கில்லை
பெறுவதற்கு ஓய்வூதியம், ஊதியமிருக்கு!!
எதிர்வரப்போகுது தேர்தல் தேதி!
உடன்வரப்போகுது ஊதியக் குழு!!
கட்டம்பார்த்து காலம் கணிக்கும்
திட்டமேதும் உனக்கு இருக்கோ?
திட்டம்தீட்டி தலைமை அறிவிக்க
நாட்கள்தான் நமக்கு இருக்கோ?
நமக்கான வாழ்க்கை மட்டுமல்ல
நம் மக்களுக்கான வாழ்க்கையும்
நமது கரங்களில் தரப்பட்டுவிட்டது!
கையறு நிலையில் இருந்தோர்க்கு
கிடைத்தாயிற்று வேலை நிறுத்தத்
திறவுகோல் - திறந்திடத் தீவிரி!
சங்கம் பார்த்து சங்கமிக்க
மாநாட்டு கூட்டத்திற்கு அல்ல,
வாழ்வாதார உரிமைப் போராட்டத்தில்
கருதிய களத்திற்கு உண்மையோடு,
ஆசிரியப் பேரின உரிமையில்
ஆ.ப கூட்டணி அழைக்கிறது!
உறுதியோடு எழுந்துவா தோழனே!!
நம்மிடம் பாடம் பயின்றிட்ட
அரசூழியரின் போராட்டம் பார்!
கற்றோரின் உரிமை வேட்கையே
இத்தனை மாபெரிது எனில்,
கற்பிப்போராகிய நம் வீரம்
அதனினும் மேல் அன்றோ!
மாற்றுத் திறனாளி மையத்தினர்
மாற்றம் நிகழவில்லை எனில்
முற்றுகை உடன் நிகழ்த்தப்படும்
என்று உரைத்த துணிவங்கே!
முழுத்திறனும் நமக்கு இருந்தும்
முதல்வர் சொல்லும் வரை
பொறுப்போம் எனும் குனிவிங்கே!
மறியலில் சிறை நிறைத்தும்
மனந்திறக்க மனதில்லை அரசிற்கு!
அமைச்சர் கூட்டத்தின் நிகழ்வினை
அறிவிக்க மனமில்லை தலைமைக்கு!
16-ல் பதில் சொல்லாவிட்டால்
17-ல் கூடுவோம் என்கின்றனர்,
2011-ல் அளித்த வாக்கை
இன்று வரை காக்காதவர்
நாளை செய்வார் என்று
நம்பி வந்த காரணமேனோ?
உடன்பாடு எட்டப்படா விட்டால்
உடனே அடுத்த அறிவிப்பென,
காலையில் கூடியெடுத்த முடிவு
மாலையில் மாயமான காரணமேனோ?
40ஆண்டுகள் போராடிப் பெற்றதை
நாசமாக்கியது போன ஆட்சி!
நாலரை ஆண்டுப் போராட்டங்களுக்கு
மசியவேயில்லை இந்த ஆட்சி!!
இறுதி மறியலுக்குப்பின் - அடுத்த
அறிவிப்பேயில்லை, ஜேக்டோ சாட்சி!!!
ஆட்சியைப் நெருக்கும் காலமிது
புரட்சியைப் பெருக்கும் காலமிது
பறிக்கப்பட்ட உரிமை அனைத்தையும்
இருந்தபடி மீட்டெடுக்க - அறிவியுங்கள்
அடுத்தகட்ட போராட்டத்தை என்று
நீயும்நானும் கேட்டது போன்று
போராளிப் பாசறையும் கேட்டதன்று!
கூட்டமைப்பில் பதிலில்லை எனினும்
கூட்டணிக்குள் பதில் உரைக்க
கூட்டிய மாநாட்டில் ஒலித்தது,
ஆசிரியர் வாழ்வினைக் காத்திட
அனைவர் உணர்வினை மதித்திட
உறுதியான இறுதிப் போராட்டமாம்
வேலை நிறுத்தப் போராட்டம்!!
மாநாட்டுப் பிரகடனத்தை - நம்
மனம் விரும்பிய தீர்மானத்தை
மாநிலக் கூட்டமைப்பிற்கு அறிவித்து
மறுபதிலேதும் இதுவரை இல்லை!
பொறுமைக்கான காலமோ நமக்கில்லை!
கூட்டமைப்பு உடையவில்லை என்று,
கூட்டணித் தீர்மானப்படியே இன்று
இறுதியான தீர்மானத்தை, திருச்சியில்
உறுதியுடன் அறிவித்துள்ளது - அரசு
ஊழியருடன் வேலை நிறுத்தத்தில்
உடன் சேர்கிறோம் நாங்களுமென்று!
1988, 2002-03 ஆண்டுகள் போன்று!!
சிவப்புப் காரர்கள் கூட்டமது
சேராதே நீயும் என்னும்
சிறுபுத்திக் காரர்கள் கூற்றை
சிந்தையில் ஏற்றும் முன்னர்,
சிவப்புக் கம்பளம் விரித்துச்
சிறப்பிக்க நாதியுண்டா நாட்டிலென
சிந்தித்துச் சீர் பொருந்து!
உறுதியான உரிமைப் போராட்டமே
இறுதியான உயிர்ப்பு மருந்து!!
வேலையற்ற வீணர்கள் சொல்லும்
தேவையற்ற வாதங்கள் போல
வெண்ணெய் திரண்டு வரும்போது
பானையை உடைக்க அல்ல!
வெருங்கையோடு அமர்ந்து இருக்காது
வெண்ணெய்யைத் திரளச் செய்யவே,
கடைபவர்களுடன் கரம் கோர்க்க
களம் நோக்கி அழைக்கிறது!
இனியும் காலம் செல்லாது
இடைநிலை ஆசிரியத் தோழனே!
இழப்பதற்கு இனியேதும் நமக்கில்லை
பெறுவதற்கு ஓய்வூதியம், ஊதியமிருக்கு!!
கையறு நிலையில் இருந்தநமக்கு
கிடைத்தாயிற்று வேலை நிறுத்தத்
திறவுகோல் - திறந்திடத் தீவிரி!
கற்றுத் தந்த வரலாற்றுப்படி,
பற்றி எரியட்டும் போராட்டத்தீ!
ஆணவப் போக்கைச் சாம்பலாக்கி
ஆவணம் படைப்போம் ஒன்றாகி!!
கோடிக்கைகள் ஒன்றிணைவோம்!
கோரிக்கைகள் வென்றிடுவோம்!!
உரிமைகளை மீட்டெடுக்க
ஓங்கி ஒலிக்கட்டும்
ஆசிரியர் அரசூழியரின்
ஆக்கப்பூர்வ ஒற்றுமை
அரசூழியர் இயக்கங்களுடனான
வேலைநிறுத்த அழைப்பிற்காக,
✒செல்வ.ரஞ்சித்குமார் (செ.கு.உ)
த.நா ஆ.ப ஆசிரியர் கூட்டணி,
பொன்னமராவதி.

2/11/2016

நமது செய்தி பல்வேறு செய்தி தாள்களில்





அவசர மாநிலச் செயற்குழு கூட்டம்.

தமிழ்நாடு ஆரம்பப்பள்ளி ஆசிரியர் கூட்டணியின் வரலாற்று சிறப்பு மிக்க மாநில மாநாடு தீர்மானங்களை நிறைவேற்ற கோரியும், ஜேக்டோவின் அமைச்சரவை மட்டத்திலான பேச்சு வார்த்தைக்கு பின்னால் தற்போதை சூழலில் மாநில மாநாடு தீர்மானங்களை எவ்வாறு அமுல்படுத்திட வேண்டும் என்பது குறித்து முடிவாற்றவும் அவசர மாநிலச் செயற்குழு நாளை (12.2.2016) காலை 10.00 மணிக்கு திருச்சியில் கூடுவதாகவும், அதில் மாநிலச் செயற்குழு உறுப்பினர்கள் தவறாது பங்கேற்றிடவும் மாநிலப் பொதுச்செயலாளர் தோழர் பாலச்சந்தர் வேண்டுகோள் விடுத்துள்ளார்கள்.
இடைநிலை ஆசிரியர்களுக்கு இழைக்கப்பட்ட அநீதி களையும் வரை தமிழ்நாடு ஆரம்பப்பள்ளி ஆசிரியர் கூட்டணி தன் போராட்ட நிலையில் இருந்து ஒரு அடி கூட பின் வாங்காது.

2/09/2016

அரசு ஊழியர்கள் தொடர் வேலை நிறுத்தம். மாணவர்களுக்கு சத்துணவு வழங்குவதில் சிக்கல்

அரசு ஊழியர்கள் தொடர் வேலை நிறுத்தம். மாணவர்களுக்கு சத்துணவு வழங்குவதில் சிக்கல்.
சத்துணவு பணிகளை ஏற்க மாட்டோம் என தமிழ்நாடு ஆரம்பப்பள்ளி ஆசிரியர் கூட்டணி திட்டவட்டம்.
சிவகங்கை: தமிழகம் முழுவதும் தமிழ்நாடு அரசு ஊழியர் சங்கம் உள்ளிட்ட 68 சங்கங்களை சார்ந்த 4 இலட்ச அரசு ஊழியர்கள் நாளை முதல் தொடர் வேலை நிறுத்தத்தில் ஈடுபடுகின்றனர். இதில் சத்துணவு ஊழியர்களும் முழுமையாக ஈடுபட உள்ளனர். இதனால் மாணவர்களுக்கு மதிய உணவு வழங்குவதில் சிக்கல் ஏற்பட்டுள்ளது. இதை சமாளிக்க தலைமையாசிரியர்கள் சத்தணவு வழங்கும் பொறுப்பை ஏற்று மாணவர்களுக்கு தரமான சத்துணவை தங்கு தடையின்றி வழங்க வேண்டும் என அதிகாரிகளுக்கு தமிழக அரசு உத்தரவிட்டுள்ளது. இந்த முடிவிற்கு ஆசிரியர்கள் கடும் எதிர்ப்பை தெரிவித்துள்ளனர்.
இது குறித்த தமிழ்நாடு ஆரம்பப்பள்ளி ஆசிரியர் கூட்டணி மாவட்டச் செயலாளர் ஆ.முத்துப்பாண்டியன், மாவட்டத் தலைவர் ஆ.தாமஸ் அமலநாதன், மாவட்டப் பொருளாளர் மு.குமரேசன் ஆகியோர் செய்தியாளர்களிடம் கூறியதாவது
தமிழ்நாடு அரசு ஊழியர்கள் மற்றும் சத்துணவு பணியாளர்கள் தங்களது நியாயமான கோரிக்கைகள் குறித்து பல்வேறு கட்டங்களாக கடந்த நான்கரை ஆண்டுகளாக போராடி வருகின்றனர். அவர்களது நியாயத்தை உணர்ந்து அவர்களை பேச்சு வார்த்தைக்கு அழைத்து தீர்வு காண அரசு முயற்சிக்க வேண்டும். அதை விடுத்து அவர்களது போராட்டத்தை நசுக்கும் விதமாக சத்துணவு பணிகளில் ஆசிரியர்களை ஈடுபடு வைக்க முயற்சிப்பதை நாங்கள் வன்மையாக கண்டிக்கிறோம். எங்கள் ஆசிரியர்கள் சத்துணவு பணிகளை ஏற்க மாட்டார்கள் என மாவட்ட நிர்வாகத்திற்கு  திட்டவட்டமாக தெரிவித்துவிட்டோம். மேலும் அரசு ஊழியர் சங்கங்களின் தொடர் வேலை நிறுத்தத்தை ஆதரிக்கும் விதமாக தமிழ்நாட்டில் உள்ள அனைத்து தாலுகா அலுவலகங்கள் மற்றும் வட்டார வளர்ச்சி அலுவலகங்களுக்கு முன்னாள் நாளை மாலை 5.00 மணிக்கு தமிழ்நாடு ஆரம்பப்பள்ளி ஆசிரியர் கூட்டணி சார்பில் ஆதரவு ஆர்ப்பாட்டம் நடத்தவும் முடிவு செய்துள்ளோம்.  எனவே அரசு ஊழியர்கள் மற்றும் ஆசிரியர்களின் கோரிக்கைகளுக்கு அரசு தீர்வு கான வேண்டும் இல்லையேல் ஆசிரியர்களும் அவர்களுடன் இணைந்து தொடர் வேலை நிறுத்தத்தில் ஈடுபடுவோம் என அவர்கள் தெரிவித்தார்கள்.

இடைநிலை ஆசிரியர்களுக்கு மத்திய ஊதியம் வழங்கக்கோரி காலவரையற்ற வேலைநிறுத்தப் போராட்டம்





இடைநிலை ஆசிரியர்களுக்கு மத்திய ஊதியம் வழங்கக்கோரி காலவரையற்ற வேலைநிறுத்தப் போராட்டம்
தமிழ்நாடு ஆரம்பப்பள்ளி ஆசிரியர் கூட்டணி மாநாடு பிரகடனம்
கோவில்பட்டி, பிப். 8 -
தமிழ்நாடு ஆரம்பப்பள்ளி ஆசிரியர் கூட்டணியின் 6வது மாநில மாநாடு கோவில்பட்டியில் பிப்ரவரி 5, 6, 7 ஆகிய தேதிகளில் நடைபெற்றது. மாநாட்டின் நிறைவு நாளன்று நடைபெற்ற பொதுக்கூட்டத்திற்கு மாநிலத் தலைவர் ச.மோசஸ் தலைமை தாங்கினார். துணைப் பொதுச் செயலாளர் ச.மயில் வர வேற்புரையாற்றினார்.கூட்டத்தில் மத்திய அரசு ஊழியர் மகா சம்மேளனத்தின் பொதுச் செயலாளர் துரைப் பாண்டியன், இந்தியப்பள்ளி ஆசிரியர் கூட்டமைப்பின் அகில இந்தி யப் பொருளாளர் தி.கண்ணன் ஆகி யோர் வாழ்த்துரை வழங்கினர். கூட்டத்தில் சிஐடியு மாநிலத் தலைவர் அ.சவுந்தரராசன் எம்எல்ஏ சிறப் புரையாற்றினார். மாநாட்டுப் பிரகட னத்தைப் பொதுச் செயலாளர் செ. பாலசந்தர் வெளியிட்டுப் பேசினார்.அப்போது அவர் வெளியிட்ட மாநாட்டுப் பிரகடனம் வருமாறு:ஆசிரியர் இயக்க முன்னோடிகள், நமது இயக்கத் தோழர்கள் 40 ஆண்டுகாலம் மிகக்கடுமையாகப் போராடி, கண்ணீரும் செந்நீரும் சிந்திதங்கள் இன்னுயிரை ஈந்து 01.06.1988 முதல் பெற்றுத் தந்த மத்திய அரசு ஆசிரியர்களுக்கு இணையான ஊதியம் என்பது, ஆறாவது ஊதியக் குழுவை அமல்படுத்தியதன் மூலமாக01.01.2006 முதல் இடைநிலை ஆசிரியர்களிடமிருந்து பறிக்கப்பட்டுள்ளது. இதனால் தமிழகத்தில் பல்லாயிரக்கணக்கான இடை நிலை ஆசிரியர்கள் கடந்த 7 ஆண்டுகாலமாக குமுறலுடனும், கொந் தளிப்புடனும் உள்ளனர்.
தமிழக இடைநிலை ஆசிரியர்களுக்கு மத்தியஊதியம் பெறுவதற்காக முதன் முதலாக போராட்டக்களம் கண்டதுநமது பேரியக்கம். அதற்காக வேறுஎந்த இயக்கத்தையும்விட தனிச்சங்க நடவடிக்கையாக அதிகப் போராட்டங்களை நடத்திய நமதுஇயக்கம், கூட்டுப் போராட்டங்களி லும் முழுமையாக ஈடுபட்டு இன்று வரை சமரசமின்றிப் போராடிக் கொண்டிருக்கிறது. தமிழகத்தில் இடைநிலை ஆசிரியர்களுக்கு இழைக்கப்பட்டுள்ள இப்பெரும் அநீதி உடனடியாகக் களைப்பட வேண்டும். தமிழக அரசு உடனடியாக இடைநிலை ஆசிரியர்களுக்கு மத்திய அரசு ஆசிரியர்களுக்கு இணையான ஊதியத்தை வழங்கிட வேண்டும்.ஆசிரியர்கள், அரசு ஊழியர் களின் எதிர்கால வாழ்வாதாரத்தைப் பறித்து, அவர்களது எதிர் காலத்தைக் கேள்விக்குறியாக்கி, அவர்களின் முதுமைக் காலத்தை இருண்டகாலமாக்கிவிட்ட தன் பங்கேற்பு ஓய்வூதியத் திட்டத்தை ரத்து செய்திடக்கோரி வேறு எந்த ஆசிரியர் அமைப்புகளையும் விட மிகக்கடுமையான போராட்ட நடவடிக்கைகளிலும், அகில இந்தியவேலைநிறுத்தப் போராட்டங்களி லும் தொடர்ந்து ஈடுபட்டு வரும்நமது இயக்கம் இம்மாநில மாநாட்டின் மூலமாக தன் பங்கேற்பு ஓய்வூதியத் திட்டத்தை உடனடியாக ரத்து செய்துவிட்டு, பழைய ஓய்வூதி யத் திட்டத்தை நடைமுறைப்படுத்த மத்திய, மாநில அரசுகளை வலி யுறுத்திக் கேட்டுக் கொள்கிறது.

மேற்கண்ட இரண்டு கோரிக்கை கள் உள்ளிட்ட 15 அம்சக் கோரிக்கை களை வலியுறுத்தி ஜேக்டோ பேரமைப்பின் சார்பில் பலகட்டப் போராட்டங்களை நடத்தியும் தமிழக அரசு கண்டுகொள்ளாத நிலையில் இன்றைய காலச்சூழ் நிலைகளையும், தமிழ்நாட்டு ஆசிரியர்களின் உணர்வுகளையும், அவர்களின் கொந்தளிப்பான மனநிலையையும் கருத்தில் கொண்டு ஜேக் டோ பேரமைப்பு உடனடியாகக் கூடிதமிழ்நாடு அரசு ஊழியர் சங்கம்10.02.2016 முதல் நடைபெறுவதாக அறிவித்துள்ள காலவரையற்ற வேலைநிறுத்தப் போராட்டத்துடன் இணைந்த போராட்ட நடவடிக் கைகளை அறிவித்திட வேண்டும் எனவும், அவ்வாறு ஜேக்டோ பேரமைப்பு முடிவெடுப்பதில் கால தாமதம் ஏற்படும் சூழலில், தமிழ் நாடு ஆரம்பப்பள்ளி ஆசிரியர் கூட்டணி சார்பில் காலவரையற்ற வேலைநிறுத்தப் போராட்டம் நடத்திட மாநிலச் செயற்குழு தீர்மானித்துள்ளதை இம்மாநில மாநாடு அங்கீகரிக்கிறது. கூட்ட முடிவில் மாநிலப் பொருளாளர் ச.ஜீவானந்தம் நன்றி கூறினார்.

1/27/2016

துயில் மறப்போம்... துயர் துடைப்போம்....

தோழமையே...
நமது பேரியக்கத்தின் 6வது மாநில மநாடு பணி ஒருபுறம், ஜேக்டோ மாவட்ட மறியல் மறுபுறம் என உனது ஓய்வறியா பணியினை நானறிவேன். இருந்தாலும் கூட இன்றைய நிலையில் மாநில மாநடு பணிக்கு சற்று ஓய்வு கொடு. எதிர்கால ஆசிரியர் சமுதாயத்தை இன்னல்களிலிருந்து மீட்டெடுக்க உனது வேண்டுகோளுக்கிணங்க கட்டமைக்கப்பட்ட ஜேக்டோ மாவட்ட மறியல் வருகிற ஜனவரி 30, 31, பிப்ரவரி 1 ஆகிய தினங்களில் மாவட்ட தலைநகரில் நடைபெற உள்ளதால் மறியலில் நமது அமைப்பிலிருந்து ஆசிரியர்களை முழுமையாக பங்கெடுக்க மாநில மையம் உத்தரவிட்டுள்ளது. மாநில மையத்தின் முடிவினை சிரமேற்கெண்டு செயலாற்றும் உனது ஆர்வத்தை நானறிவேன். இருந்தாலும் உன்னை உசுப்பேற்ற வேண்டிய கடமை எனக்குள்ளது. மற்ற இயக்கங்களைப் பற்றி கவலை கொள்ளாமல் களப்பணியாற்றி நமது இயக்கத்தின் 60,000த்திற்கு மேற்பட்ட உறுப்பினர்களை முழுமையாக பங்கேற்பதை உறுதி செய்யவும். அதுவரை துயில் மறப்பபோம் ஆசிரியர் தோழர்களின் துயர் துடைப்போம்.
தோழமையுடன்...
ஆ.முத்துப்பாண்டியன்
மாவட்டச் செயலாளர்
சிவகங்கை மவாட்டம்

1/22/2016

6வது மாநில மாநாடு



இனிய தோழமைகளே!!!

இனிய தோழமைகளே!!!
தமிழ்நாடு ஆரம்பப்பள்ளி ஆசிரியர் கூட்டணி, 6வது மாநில மாநாடு நடக்கும் கோவில்பட்டி நகர் முழுவதும் மாநாடு கோரிக்கைகள் மற்றும் ஆசிரியர்களின்
பொது கோரிக்கைகளை வெளிப்படுத்தும் விதமாக கருத்து சித்திரத்துடன் கூடிய விளம்பர பதாகைகள் வைக்க மாநாடு விளம்பரக்குழு முடிவாற்றியுள்ளது. 100க்கும் மேற்பட்ட பதாகைகள் வைக்க உள்ளதால் அப்பதாகைகளில் இடம் பெற வேண்டிய வாசகங்களை எனது மின்னஞ்சல் முகவரிக்கு அனுப்ப வேண்டுகிறேன். இரண்டு வரிக்குள் இருக்குமாறு பார்த்துக்கொள்ளவும்.
எ.கா:
1. வஞ்சிக்கப்பட்ட இடைநிலை ஆசிரியர்களின் ஊதியத்தை வழங்கிடு
2 ஆசிரியர்களின் எதிர்'கால வாழ்வை கேள்விக்குறியாக்கிய தன்பங்கேற்பு
ஓய்வூதிய திட்டத்தை கைவிடு
3. கல்வியை வணிகமயமாக்குவதை கைவிடு
4. காவிமயமான கல்விக்கொள்கையை கைவிடு
5. புற்றீசல் போல் பெருகும் சுயநிதி பள்ளிகளை கட்டுபடுத்தி அரசு பள்ளிகளை மீட்டெடு மேற்கண்ட எடுத்துக்காட்டுகள் போல் தங்கள் நடையில் எழுதி எனது மின்னஞ்சல் முகவரிக்கு (Email: tnptfmuthupandian@gmail.com  (or)
tnptfsvga@gmail.com ) அனுப்புமாறு தோழமையுடன் கேட்டுக்கொள்கிறேன்.
தோழமையுடன்...
ஆ.முத்துப்பாண்டியன்
சிவகங்கை மாவட்டச் செயலாளர்
மாநாடு விளம்பரக்குழு உறுப்பினர்

1/21/2016

6வது மாநில மாநாடு விளம்பரக்குழு கூட்டம்

தமிழ்நாடு ஆரம்பப்பள்ளி ஆசிரியர் கூட்டணியின் 6வது மாநில மாநாடு விளம்பரக்குழு கூட்டம் மாநிலத் தலைவர் திரு.மோசஸ் தலைமையில் தூத்துக்குடி மாவட்டம், கோவில்பட்டியில் நடந்தது. மாநிலத் துணைப்பொதுச் செயலாளரும், விளம்பரக்குழு தலைவருமான திரு.மயில் முன்னிலை வகித்தார். இக்கூட்டத்தில் சிவகங்கை மாவட்டச் செயலாளர் திரு.முத்துப்பாண்டியன்., தூத்துக்குடி மாவட்டச் செயலாளர் திரு.செல்வராஜ், மாநிலச் செயற்குழு உறுப்பினர்கள் திரு.ரவீந்திரராஜன், திரு.சுரேஷ், கருங்குளம் வட்டாரத் தலைவர் திரு.லூயிஸ் பி.ராயன், விளாத்திக்குளம் வட்டாரப் பொருளாளர் திரு.இப்ராஹீம், ஸ்ரீவைகுண்டம் வட்டாரப் பொருளாளர் திரு.தாம்சன் ஆகியோர் பங்குபெற்று தங்கள் கருத்துகளை முன் வைத்தனர். இக்கூட்டத்தில் பல்வேறு முடிவுகள் எடுக்கப்பட்டன. இக்குழு மீண்டும் வருகிற 3.2.2016 அன்று கோவில்பட்டியில் கூடுகிறது.

1/19/2016

தமிழ்நாடு ஆரம்பப்பள்ளி ஆசிரியர் கூட்டணி மாநிலச் செயற்குழு - திருச்சி (18.1.2016)

1. சென்சஸ் கணக்கெடுப்பு பணி ஆசிரியர்களுக்கு ஒதுக்கியதை எதிர்த்து மாநில அமைப்பின் சார்பில் உயர்நீதி மன்றத்தில் வழக்கு தொடுக்க முடிவு.
2. மாநில மாநாட்டில் சமூக ஆர்வலர்களான எழுத்தாளர் சமஸ் மற்றும் நடிகை ரோகினி பங்கேற்க செய்ய முடிவு. மேலும் முத்துசுந்தரம் மற்றும் துரைபாண்டியன் ஆகியோரின் உரை வீச்சு. இவர்களுடன் திருவாளர்கள் கண்ணன்இ ராஜேந்திரன்இ சவுந்திரராஜன்இ சுகுமாறன்இ தமிழ்ச்செல்விஇ இசக்கியப்பன்இ உச்சிமாகாளிஇ வத்சலாஇ சுரேஷ்இ சுப்புராஜ்இ பாலசுப்பிரமணியன்இ கணேசன்இ அருணன் ஆகியோருடன் தொழிற்சங்க தோழர்கள்இ அண்டை மாநில பொறுப்பாளர்கள் பங்கேற்பு.
3. மாநாட்டு தீர்மானங்கள் ஏதுமிருப்பின் திரு.மயில் துணைப்பொதுச்செயலாளர் மற்றும் மாநாடு தீர்மானக்குழு தலைவர் என தலைப்பிட்டு தூத்துக்குடி மாவட்டச்செயலாளர் திரு.செல்வராஜ் முகவரிக்கு 25.1.2016க்குள் அனுப்ப கேட்டுக்கொள்ளப்படுகிறார்கள்.
4. மாநாடு நிதி பங்கீட்டை உடனடியாக செலுத்த முடிவாற்றப்பட்டது

சென்சஸ் பணிக்கு எதிர்ப்பு - தினகரன் செய்தி வெளியீடு


சென்சஸ் பணிக்கு எதிர்ப்பு - தினமலர் செய்தி வெளியீடு


தகுதிகாண்பருவம் முடித்தவர்களுக்குச் சான்று அளிக்கப்பட்டு விட்டதா என்ற விவரங்கள் அனுப்ப உத்தரவு