Finance Department

Letter No. 59800 Dt : March 9, 2012	State Public Sector Undertakings/Statutory Boards- Banking Management for State Public Sector Undertakings/ Statutory Boards- Consolidation of various instructions-communicated-reg.
G.O No. 50 Dt : February 24, 2012	BUDGET - FIRST SUPPLEMENTARY ESTIMATES OF EXPENDITURE FOR 2011-2012 - As voted by the Legislative Assembly - Communicated - Advances sanctioned from the Contingency Fund - Recoupment - Ordered.
Letter No. 31310 Dt : February 15, 2012	State Public Sector Undertakings / Boards- Encashment of Unearned Leave on Private Affairs at the time of retirement - revised instructions -issued- regarding

அங்கன்வாடி குழந்தைகளுக்கு செயல்வழிக் கற்றல் பயிற்சி

அங்கன்வாடி குழந்தைகளுக்கு செயல் வழிக்கற்றல் பயிற்சி தர அரசு உத்தரவிட்டுள்ளது.

அனைவருக்கும் கல்வி திட்டம் சார்பில், ஒன்று முதல் 4ம் வகுப்பு வரை செயல் வழிக்கற்றல் அட்டைகள் வழங்கப்பட்டு கல்வி கற்பிக்கப்படுகிறது. தற்போது அங்கன்வாடி குழந்தைகளுக்கும் இம்முறையில் பயிற்சி தரப்பட உள்ளது.

வட்டார வளமையங்களில் ஆசிரியர் பயிற்றுனர் ஒருவர், ஒருங்கிணைந்த ஊட்டச்சத்து அலுவலக பணியாளர்கள் இருவருக்கும் இதற்காக பயிற்சி தரப்படும். இவர்கள் மாவட்டத்தில் தேர்வு செய்யயப்பட்டுள்ள அங்கன்வாடி மையங்களுக்கு சென்று பயிற்சி தருவர்.

புதிதாக அறிமுகப்படுத்தப்படும் ஆசிரியர் தகுதித் தேர்வில் கேள்விகள் எப்படி இருக்கும்?

புதிதாக அறிமுகப்படுத்தப்படும் ஆசிரியர் தகுதித் தேர்வில் கேள்விகள் எப்படி இருக்கும்?

                        இடைநிலை ஆசிரியர், பட்டதாரி ஆசிரியர் பணிகளுக்கு இந்த ஆண்டு முதல்முறையாக ஆசிரியர் தகுதித்தேர்வு அறிமுகப்படுத்தப்பட உள்ளது. 

                        இதற்கான பாடத்திட்டம் மற்றும் மாதிரி வினாத்தாள்கள் ஆசிரியர் தேர்வு வாரியத்தின் இணையதளத்தில் ஓரிரு நாளில் வெளியிடப்படுகிறது.  தமிழ்நாட்டில் இதுவரை அரசு பள்ளிகளில் இடைநிலை ஆசிரியர்கள், பட்டதாரி ஆசிரியர்கள், முதுநிலை பட்டதாரி ஆசிரியர்கள், சிறப்பு ஆசிரியர்கள் என அனைத்து வகையான ஆசிரியர்களும் மாநில அளவிலான பதிவுமூப்பு(சீனியாரிட்டி) அடிப்படையில் நியமிக்கப்பட்டு வந்தனர்.

                        தற்போது ஆட்சி மாற்றம் ஏற்பட்டுள்ள நிலையில், இடைநிலை ஆசிரியர்கள் மற்றும் தையல், ஓவியம், இசை, உள்ளிட்ட சிறப்பு ஆசிரியர்களை முன்பு இருந்து வந்ததைப் போன்று பதிவுமூப்பு அடிப்படையிலும், பட்டதாரி, முதுநிலை பட்டதாரி ஆசிரியர்களை  போட்டித்தேர்வு மூலம் தேர்வு செய்ய அரசு திட்டமிட்டு இருந்தது.  இதற்கிடையே இந்தியாவில் இலவச கட்டாய கல்வி சட்டம் கடந்த 1.4.2010 முதல் அமலுக்கு வந்துள்ள நிலையில், இடைநிலை ஆசிரியர்களுக்கும், பட்டதாரி ஆசிரியர்களுக்கும்  தகுதித்தேர்வு கட்டாயமாக்கப்பட்டுள்ளது.  ஏற்கனவே திட்டமிட்டபடி முதுநிலை பட்டதாரி ஆசிரியர்கள் போட்டித்தேர்வு மூலம் நியமிக்கப்பட உள்ளனர்.   இடைநிலை ஆசிரியர்கள் தொடர்பாக வழக்கு சுப்ரீம் கோர்ட்டில் நிலுவையில் இருப்பதால் முதல்கட்டமாக  பட்டதாரி ஆசிரியர் பணிக்கும் மட்டும் தகுதித்தேர்வு நடத்த முடிவு செய்யப்பட்டு உள்ளது.  தகுதித்தேர்வு நடத்தும் பொறுப்பு ஆசிரியர் தேர்வு வாரியத்திடம் ஒப்படைக்கப்பட்டு இருக்கிறது.

                     தகுதித்தேர்வுக்கான பாடத்திட்டம் தேசிய ஆசிரியர் கல்வி கவுன்சில்(என்.சி.டி.இ.) வரையறை செய்துள்ள வழிகாட்டி நெறிமுறைகளின் படி தயாரிக்கப்பட்டு உள்ளது.  மொழி ஆசிரியர்(தமிழ், ஆங்கிலம்), கணிதம் மற்றும் அறிவியல் ஆசிரியர், வரலாறு, புவியியல் உள்ளிட்ட சமூகவியல் ஆசிரியர் என்று 3 வகையாக தேர்வு நடத்த திட்டமிடப்பட்டுள்ளது.  தற்போது முதல்முறையாக தகுதித்தேர்வு நடத்தப்பட  உள்ளதால் அனைத்து மாணவர்களும் தெரிந்து கொள்ளும் வண்ணம் மாதிரி வினாத்தாள்களுடன் கூடிய பாடத்திட்டம் இன்னும் ஓரிரு நாளில் ஆசிரியர் தேர்வு வாரியத்தின் இணையதளத்தில் வெளியிடப்படுகிறது.  இதன்மூலம், எந்த முறையில் கேள்விகள் கேட்கப்படும் என்பதையும், என்னென்ன பாடங்களை படிக்கவேண்டும் என்பதையும் தேர்வு எழுத காத்திருக்கும் பி.எட். பட்டதாரிகள் அறிந்து கொள்ளலாம். 

                     ஆசிரியர் தகுதிதேர்வில் மொத்தம் 150 வினாக்கள் கேட்கப்படும்.  ஒரு வினாவுக்கு ஒரு மதிப்பெண் வீதம் மொத்த மார்க் 150.  இந்த தேர்வில் குறைந்தபட்சம் 60 சதவீத மதிப்பெண் அதாவது 150-க்கு 90 மதிப்பெண்கள் எடுத்தால் தேர்ச்சி பெற்றவராக அறிவிக்கப்படுவார்கள்.  ஒருவர் எத்தனை முறை வேண்டுமானாலும் எழுதிக்கொள்ளலாம்.  மதிப்பெண் தகுதியையும் கூட்டிக் கொள்ளலாம்.  தகுதித்தேர்வில் தேர்சி பெற்றவர்களுக்கு சான்றிதழ் வழங்கப்படும்.  அந்த சான்று 5 ஆண்டுகள் செல்லத்தக்கது.  தகுதித்தேர்வில் தேர்ச்சி பெற்றவர்கள் மட்டுமே பட்டதாரி ஆசிரியர் பதவிக்காக ஆசிரியர் தேர்வு வாரியம் நடத்தும் போட்டித்தேர்வில் பங்கேற்க முடியும் என்பது குறிப்பிடத்தக்கது.

                  தற்போது எஸ்.சி., எஸ்.டி., பி.சி., எம்.பி.சி. உள்பட அனைத்து இட ஒதுக்கீட்டு பிரிவினருக்கும் ஒரே தகுதி மதிப்பெண்தான் (60 சதவீதம்) நிர்ணயிக்கப்பட்டு இருக்கிறது.  ஒரு வேளை இடஒதுக்கீட்டு பிரிவினரில் குறைந்தபட்ச தகுதி மதிப்பெண் பெற்றவர்கள் தேவையான அளவு தேர்ச்சி பெறவில்லை என்றால் அவர்களுக்கு மட்டும் மதிப்பெண் தகுதியை சற்று குறைப்பதற்கு ஆசிரியர் தேர்வு வாரியம் முடிவு செய்துள்ளது.

தேசிய தகுதித் தேர்வை யுஜிசி மாற்றியமைக்க வேண்டும்

கோவை, மார்ச் 9 : பல்கலைக்கழகம் மற்றும் கல்லூரிகளில் ஆசிரியராக பணியாற்ற தகுதித் தேர்வாகக் கருதப்படும் என்.இ.டி. எனப்படும் தேசிய தகுதித் தேர்வை மாற்றியமைக்க வேண்டிய நிலையில் பல்கலைக்கழக மானியக் குழு உள்ளது.பல்கலைக்கழக முதன்மை மாணவர்களாக இருந்து 10 ஆண்டுகளுக்கும் மேல் ஆசிரியராக பணியாற்றியவர்களால் கூட இத்தேர்வில் தேர்ச்சி பெற முடியவில்லை. ஒவ்வொரு முறையில் இத்தேர்வை எழுதி தேர்ச்சி பெறுபவர்களின் எண்ணிக்கை மிக மிகக் குறைவாக உள்ளது. அதே சமயம், தற்போது ஆசிரியர் பணிக்கு படித்து முடித்து வெளியே வருபவர்கள் இத்தேர்வை எளிதாக எழுதி தேர்ச்சி பெற்றுவிடுகின்றனர்.எனவே இதனை திறனியும் தேர்வாக சிற்நத முறையில் மாற்றி அமைக்க வேண்டும் என்று பல்கலைக்கழக மானியக் குழு உறுப்பினர்கள் கூறியுள்ளனர்.

டிஆர்பி போட்டித் தேர்வு சந்தேகம், ஆலோசனைகளுக்கு தொலைபேசி எண்கள்

ஆசிரியர் தேர்வு வாரியம் நடத்தும் போட்டித் தேர்வு எழுதுவோருக்கு ஏற்படும் சந்தேகங்களை தீர்க்கவும், ஆலோசனைகள் பெறவும், இரண்டு தொலைபேசி எண்கள் அறிவிக்கப்பட்டுள்ளது.
ஆசிரியர் தேர்வு வாரியம் நடத்தும் பல்வேறு போட்டி எழுத்துத் தேர்வுகளுக்கான விண்ணப்பங்கள் தற்போது வினியோகம் செய்யப்படுகின்றன. இந்த விண்ணப்பங்கள் முன்பு ஐசிஆர் படிவமாக வழங்கப்பட்டது. ஆனால், இப்போது இந்த படிவம் முற்றிலும் மாற்றி அமைக்கப்பட்டு, ஓஎம்ஆர் வடிவத்துக்கு மாற்றப்பட்டுள்ளது. மேலும், தேர்வுக் கட்டணம் இதுவரை டிடி மூலம் செலுத்தும் முறை இருந்தது. இந்த ஆண்டு முதல் டிடி முறை ரத்து செய்யப்படுகிறது.
மேலும், போட்டி எழுத்துத் தேர்வு விண்ணப்பத்துடன் இணைத்து வழங்கப்படும் வங்கி சலான் மூலம்தான் இனிமேல் தேர்வுக் கட்டணம் செலுத்த வேண்டும். ஆசிரியர் தேர்வு வாரிய போட்டித் தேர்வுகள் எழுதுவோர் விண்ணப்பங்களை பூர்த்தி செய்யும் போதும், வங்கி சலான் மூலம் தேர்வுக் கட்டணம் செலுத்தும் போதும் ஏற்படும் சந்தேகங்களையும், ஆலோசனைகளையும் 044& 6452 5208, 044&6452 5209 ஆகிய இரண்டு தொலைபேசி எண்களில் தொடர்பு கொண்டு தெரிந்து கொள்ளலாம். இந்த தொலைபேசிகள், வேலை நாட்களில் காலை 10 மணி முதல் மாலை 5.45 வரை இயங்கும்.
விண்ணப்பத்துடன் இணைக்கப்பட்டுள்ள வங்கி சலானில் உள்ள தொலைபேசி எண்கள், சம்மந்தப்பட்ட வங்கிகளுக்குள் தகவல் பரிமாற்றம் செய்து கொள்ள மட்டுமே தரப்பட்டுள்ளது. எனவே, போட்டி எழுத்துத் தேர்வு எழுதுவோர் இனிமேல் மேற்கண்ட தொலைபேசி எண்களில் மட்டுமே தொடர்பு கொள்ள வேண்டும் என்று ஆசிரியர் தேர்வு வாரியம் வேண்டுகோள் விடுத்துள்ளது.

ஆசிரியர் தகுதித் தேர்வு: பி.லிட். படித்தவர்கள் எந்தத் தாளை எழுதலாம்? தேர்வு வாரியம் விளக்கம்

சென்னை, மார்ச் 9: ஆசிரியர் தகுதித் தேர்வில் பி.லிட். தமிழ்ப் பட்டதாரிகள் எந்தத் தாளை எழுதுவது என்பது தொடர்பாக ஆசிரியர் தேர்வு வாரியம் விளக்கம் அளித்துள்ளது. ஆசிரியர் தகுதித் தேர்வு வரும் ஜூன் 3-ம் தேதி நடைபெறும் என ஆசிரியர் தேர்வு வாரியம் அறிவித்துள்ளது. அன்றைய தினம் காலை முதல் தாளும், பிற்பகல் இரண்டாம் தாளும் நடைபெறும் எனவும் அறிவிக்கப்பட்டுள்ளது. ஒன்று முதல் ஐந்தாம் வகுப்பு வரை கற்பிக்க விரும்புபவர்கள் முதல் தாள் தேர்வையும், ஆறு முதல் எட்டாம் வகுப்பு வரை கற்பிக்க விரும்புபவர்கள் இரண்டாம் தாள் தேர்வையும் எழுதலாம். பி.லிட். மற்றும் பி.எட். படித்தவர்கள் இரண்டாம் தாளை எழுதலாம் என அறிவிப்பு வெளியிடப்பட்டுள்ளது. பி.லிட். படிப்போடு டிப்ளமோ படித்தவர்கள், புலவர் பயிற்சி முடித்தவர்கள் எந்தத் தாளை எழுத வேண்டும் என்பது தொடர்பாக பலர் விளக்கம் கேட்டு வருகின்றனர். இதுதொடர்பாக ஆசிரியர் தேர்வு வாரிய வட்டாரங்கள் கூறியதாவது: பிளஸ் 2 படிப்புக்குப் பிறகு ஆசிரியர் டிப்ளமோ பட்டத்தையும், அதன் பிறகு பி.லிட். பட்டமும் பெற்றவர்கள் முதல் தாளையும், இரண்டாம் தாளையும் எழுதலாம். பிளஸ் 2 படிப்புக்குப் பிறகு பி.லிட். பட்டமும், புலவர் பயிற்சியும் முடித்தவர்கள் இரண்டாம் தாளை எழுதலாம். இணையதளத்தில் வெளியீடு: ஆசிரியர் தகுதித் தேர்வு தொடர்பாக எழும் சந்தேகங்களைத் தீர்க்கும் வகையில் எளிய வினா, விடை அமைப்பிலான தகவல்கள் ஆசிரியர் தேர்வு வாரிய இணையதளத்தில் விரைவில் வெளியிடப்பட உள்ளன. ஆசிரியர் தேர்வு வாரியத்தின் www.trb.tn.nic.in என்ற இணையதளத்தில் இவை வெளியிடப்பட உள்ளதாக அந்த வட்டாரங்கள் தெரிவித்தன.

பள்ளி சுகாதாரம் மற்றும் தன் சுத்தம் தொடர்பான பயிற்சி

மாநிலத்திட்ட இயக்குனர் அவர்களின் கடிதம்  ந.க.எண் - 87/அ5/பயிற்சி/அ.க.இ/2011 நாள்:05.3.12.

பள்ளி சுகாதாரம் மற்றும் தன் சுத்தம் தொடர்பான பயிற்சி தொடக்க மற்றும் உயர் தொடக்க பள்ளி ஆசிரியர்களுக்கு  4  கட்டங்களாக வட்டார வளமையத்தில் வழங்கப்பட   இருக்கிறது.

1st  batch  -  19 .3 .2012  to  20 .03 .2012

2nd  batch  -  21 .3 .2012  to  22 .03 .2012

3rd  batch  -   26 .3 .2012  to  27 .03 .2012

4th  batch  -  28 .3 .2012  to  29 .03 .2012 

ஆசிரியர் தகுதி தேர்வுக்கு மார்ச் 22 முதல் விண்ணப்பம்!

தமிழகத்தில் வரும் ஜுன் மாதம் நடைபெற உள்ள ஆசிரியர் தகுதித் தேர்வுக்கு மார்ச் 22ம் தேதி முதல் அனைத்து மாவட்ட கல்வி அலுவலகங்களிலும் விண்ணப்பங்கள் வழங்கப்பட உள்ளது. ஆசிரியர்களாக பணியாற்ற ஆசிரியர் தகுதித் தேர்வினை எழுதி தேர்ச்சி பெற்றிருக்க வேண்டியது அவசியம் என்று மத்திய அரசு அறிவித்தது.
அதன்படி, ஏற்கனவே ஆசிரியராக பணியில் இருப்பவர்களுக்கும், ஆசிரியர் படிப்பு முடித்தவர்களுக்கும் வசதியாக ஒவ்வொரு ஆண்டும் இரண்டு முறை ஆசிரியர் தகுதித் தேர்வு நடத்தப்படுகிறது. மாநில அளவிலும், மத்திய அளவிலும் இத்தேர்வுகள் நடத்தப்படும். மாநில அளவிலான ஆசிரியர் தகுதித் தேர்வு வரும் ஜுன் மாதம் நடைபெற உள்ளது. இத்தேர்வை எழுத விரும்பும் ஆசிரியர்கள் மாவட்ட கல்வி அலுவலகங்களில் வழங்கப்படும் விண்ணப்பத்தை பெற்று பூர்த்தி செய்து, அதனுடன் இணைந்துள்ள செல்லானை பூர்த்தி செய்து ஸ்டேட் பாங்கில் ரூ.500 செலுத்த வேண்டும்.

Teachers Recruitment Board

Direct Recruitment of Post Graduate Assistants for the year 2011 - 2012

                                 

Click here for advertisement

Click here for Prospectus

Click here for Tamil Syllabus

Click here for English Syllabus

Click here for Mathematics Syllabus

Click here for Physics Syllabus

Click here for Chemistry Syllabus

Click here for Botany Syllabus

Click here for Zoology Syllabus

Click here for History Syllabus

Click here for Geography Syllabus

Click here for Economics Syllabus

Click here for Commerce Syllabus

Click here for Home Science Syllabus

Click here for Physical Education Syllabus

Click here for Education Syllabus

Click here for General Knowledge Syllabus

Click here for Telugu Syllabus

Click here for Urdu Syllabus

Click here for Indian Culture Syllabus

TET

Teachers Recruitment Board
 College Road, Chennai-600006

TAMIL NADU TEACHER ELIGIBLITY TEST (TNTET) - 2012

                                 

Click here for advertisement

Click here for Prospectus

சிறப்பு ஆசிரியர்கள் நியமனம்: தகுதியிருந்தும் புறக்கணிப்பு: கல்வி அலுவலகத்தில் புகார்

தேனி: பகுதி நேர சிறப்பு ஆசிரியர்கள் நியமனத்தில் தகுதியுள்ளவர்கள் புறக்கணிக்கப்பட்டுள்ளதாக புகார் எழுந்துள்ளது.

எஸ்.எஸ்.ஏ., மூலம் தேர்வு செய்யப்பட்ட பகுதி நேர சிறப்பு ஆசிரியர்களுக்கான பணி உத்தரவு வெளியாகி உள்ளது. வேலை வாய்ப்பு அலுவலக பதிவு மூப்பு நிராகரிக்கப்பட்டு, தகுதியுள்ளவர்கள் புறக்கணிக்கப்பட்டுள்ளதாக தேனி முதன்மை கல்வி அலுவலகத்தில் பாதிக்கப்பட்டவர்கள் புகார் தந்தனர்.
டி.திருப்பதி,தேவதானப்பட்டி: கட்டட கட்டுமான ஆசிரியர் பணிக்கான நேர்க்காணலில் பங்கேற்றேன்.1985ல் பதிவு செய்து சீனியாரிட்டி அடிப்படையில் முதல் இடத்தில் உள்ளேன்.
ஆர்.ரமேஷ்,போடி: கட்டட கட்டுமான பணி ஆசிரியர் பணிக்கு 1987ல் பதிவு செய்துள்ளேன். தகுதி இருந்தும் பணி உத்தரவு வரவில்லை.
கன்னிகா,சின்னமனூர்: ஓவிய ஆசிரியருக்கு விண்ணப்பித்திருந்தேன். ஆசிரியர் பயிற்சி முடித்து ஓவியத்தில் உயர் தகுதி பெற்றுள்ளேன். 2000-ல் பதிவு செய்துள்ளேன். எனக்கு பின் பதிவு செய்தவர்களுக்கு பணி உத்தரவு கிடைத்துள்ளது.
சி.சின்னச்சாமி,கோவில்பட்டி: ஓவிய ஆசிரியர் பணிக்கு சீனியாரிட்டி இருந்தும், பணி நியமன உத்தரவு கிடைக்கவில்லை. இவ்வாறு அவர்கள் கூறினர்.
ஸ்ரீதேவி:(முதன்மை கல்வி அலுவலர்): மாவட்டத்தில் 1,700 பேரிடம் நேர்க்காணல் நடந்தது. தகுதி,திறமை அடிப்படையில் 274 பேருக்கு பணி நியமனம் வழங்கப்பட்டுள்ளது, என்றார்.

பழைய அறிவிப்பாணைப்படியே உதவித் துறை அதிகாரிகள் நியமனம்'

சென்னை: உதவித் துறை அதிகாரிகள் பணியிடங்களில், 2009ம் ஆண்டு பிறப்பிக்கப்பட்ட அறிவிப்பாணையின் படி, இடங்களை நிரப்ப வேண்டும் என, சென்னை ஐகோர்ட் உத்தரவிட்டுள்ளது.

தமிழ்நாடு அரசு பணியாளர்கள் தேர்வாணையம், 2009ம் ஆண்டு நவம்பரில், அறிவிப்பாணையை வெளியிட்டது. 17 உதவித் துறை அதிகாரிகள் பணியிடங்களுக்கு, விண்ணப்பங்களை வரவேற்றது. எழுத்துத் தேர்வுக்கு முன், 2010ம் ஆண்டு, மார்ச், 22ம் தேதி, மற்றொரு அறிவிப்பு வெளியிடப்பட்டது. 186 உதவித் துறை அதிகாரிகள் பணியிடங்களை நிரப்புவதற்காக, இந்த அறிவிப்பு வெளியிடப்பட்டது. இதையடுத்து, 186 பணியிடங்களை நிரப்ப, தடை விதிக்கக் கோரி, ஐகோர்ட்டில் மனுக்கள் தாக்கல் செய்யப்பட்டன. 2009ம் ஆண்டு பிறப்பிக்கப்பட்ட அறிவிப்பாணையில், இந்த, 186 பணியிடங்களும் சேர்க்கப்படவில்லை என்றும், புதிய அறிவிப்பாணை இல்லாமல், கூடுதல் இடங்களை நிரப்பக் கூடாது என்றும், மனுக்களில் கூறப்பட்டன.
மனுக்களை விசாரித்த நீதிபதி ராமசுப்ரமணியன் பிறப்பித்த உத்தரவு: கடந்த 2009ம் ஆண்டு பிறப்பிக்கப்பட்ட அறிவிப்பாணையைத் தொடர்ந்து நடத்தப்படும் தேர்வு என்பது, அறிவிக்கப்பட்ட காலியிடங்களுக்கு உட்பட்டதாக இருக்க வேண்டும். சட்டத் துறையில் 13, டி.என்.பி.எஸ்.சி.யில் நான்கு இடங்கள் உள்ளிட்ட காலியிடங்களுக்குத்தான் தேர்வு இருக்க வேண்டும். இந்த தேர்வின் அடிப்படையில், 186 பணியிடங்களுக்கும் நிரப்ப முடியாது. இருந்தாலும், 2010ம் ஆண்டு டிசம்பர், கடந்த ஆண்டு பிப்ரவரி மாதங்களில் பிறப்பிக்கப்பட்ட அறிவிப்பாணையைத் தொடர்ந்து நடத்தப்பட்ட தேர்வின் அடிப்படையில், 186 பணியிடங்களையும் நிரப்புவது, அரசைப் பொறுத்தது. இவ்வாறு நீதிபதி ராமசுப்ரமணியன் உத்தரவிட்டுள்ளார்.

IGNOU 25th Convocation is going to held in March/ April 2012

The 25th Convocation of IGNOU is tentatively scheduled to be held in March/ April 2012. Students who have completed their programmes by December 2011 Term-End Examination will be eligible for award of degree certificates in this Convocation. The main function will be held at IGNOU headquarters, Maidan Garhi, New Delhi-110068 and simultaneously at the cities of the selected Regional Centres.

வருமான வரிவிலக்கு உச்சவரம்பை ரூ.3 லட்சமாக உயர்த்த பாராளுமன்ற நிலைக்குழு சிபாரிசு

தனிநபர் வருமான வரிவிலக்கு உச்சவரம்பை ரூ.3 லட்சமாக உயர்த்த வேண்டும் என்றும், வரி கழிவுக்கான சேமிப்பு உச்சவரம்பை ரூ.2 1/2 லட்சமாக அதிகரிக்க வேண்டும் என்றும் பாராளுமன்ற நிலைக்குழு சிபாரிசு செய்துள்ளது.
கடந்த 1961-ம் ஆண்டில் இருந்து அமலில் இருக்கும் வருமான வரி சட்டத்துக்கு பதிலாக நேரடி வரிகள் சட்டத்தை கொண்டுவர மத்திய அரசு திட்டமிட்டுள்ளது. இதுதொடர்பான நேரடி வரிகள் சட்ட மசோதா, பாராளுமன்றத்தில் தாக்கல் செய்யப்பட்டது. பின்னர், பா.ஜனதா எம்.பி. யஷ்வந்த் சின்கா தலைமையிலான பாராளுமன்ற நிலைக்குழுவின் ஆய்வுக்கு அனுப்பி வைக்கப்பட்டது.
இக்குழுவின் ஆய்வுக் கூட்டம் நேற்று நடைபெற்றது. அதில், குழுவின் சிபாரிசுகள் இறுதி செய்யப்பட்டன. தற்போது, குழுவின் அறிக்கைக்கு இறுதி வடிவம் கொடுக்கும் பணி நடைபெற்று வருகிறது.
மத்திய பட்ஜெட், 16-ந் தேதி தாக்கல் செய்யப்படுகிறது. அதற்கு முன்பு, அதாவது இன்னும் ஒரு வாரத்துக்குள், பாராளுமன்ற நிலைக்குழுவின் அறிக்கையை தாக்கல் செய்ய முடிவு செய்யப்பட்டுள்ளது.
இதற்கிடையே, இந்த நிலைக்குழுவின் சிபாரிசு விவரங்கள் தெரிய வந்துள்ளன. அதன்படி, தனிநபர் வருமான வரிவிலக்கு உச்சவரம்பை தற்போதைய ரூ.1 லட்சத்து 80 ஆயிரத்தில் இருந்து ரூ.3 லட்சமாக உயர்த்த வேண்டும் என்று சிபாரிசு செய்துள்ளது.
உச்சவரம்பை ரூ.5 லட்சமாக உயர்த்த வேண்டும் என்று குழு உறுப்பினர்கள் சிலர் யோசனை தெரிவித்து இருந்தனர். ஆனால் அதற்கு நிலைக்குழுவில் உடன்பாடு ஏற்படவில்லை. ரூ.3 லட்சமாக உயர்த்துவதற்குத்தான் ஒருமித்த கருத்து ஏற்பட்டது.
மேலும், ஆயுள் காப்பீடு, சேமநல நிதி, பிள்ளைகளின் படிப்பு போன்றவற்றில் ரூ.1 லட்சம் வரையான சேமிப்புக்கும், உள்கட்டமைப்பு பத்திரங்கள் மீது ரூ.20 ஆயிரம் வரையான சேமிப்புக்கும் வரிக்கழிவு அளிக்கப்பட்டு வருகிறது. இந்த வரிக்கழிவு உச்சவரம்பை ரூ.1 லட்சத்து 20 ஆயிரத்தில் இருந்து ரூ.21/2 லட்சமாக உயர்த்த வேண்டும் என்றும் நிலைக்குழு சிபாரிசு செய்துள்ளது.
தனிநபர் வருமான வரிவிகிதங்கள், 10 சதவீதம், 20 சதவீதம் மற்றும் 30 சதவீதம் என்ற மூன்று வகையிலேயே இருக்க வேண்டும் என்றும் சிபாரிசு செய்துள்ளது. கார்ப்பரேட் வரி விகிதம் 30 சதவீதமாக நீடிக்க வேண்டும் என்றும் சிபாரிசு செய்துள்ளது.

+2 தேர்வில் ஆள்மாறாட்டத்தை தவிர்க்க, ஸ்கேன் செய்த போட்டோவுடன் கூடிய ஹால் டிக்கெட் அறிமுகம்

சென்னை: +2 தேர்வில் ஆள்மாறாட்டத்தை தவிர்க்க, தேர்வு எழுதும் மாணவரின் போட்டோக்களை ஸ்கேன் செய்து பதிக்கப்பட்ட ஹால் டிக்கெட்கள் இந்த ஆண்டு முதல் அறிமுகப்படுத்தப்பட்டுள்ளது.

தமிழகத்தில் மாநில பாடத்திட்டத்தின் கீழ் இயங்கும் பள்ளிகளில் +2 தேர்வு வரும் 8ம் தேதி முதல் துவங்குகின்றது. இதில் சுமார் 9 லட்சம் மாணவ, மாணவியர் தேர்வு எழுத உள்ளது. இதற்காக 1,974 தேர்வு மையங்கள் அமைக்கப்பட்டுள்ளன.

முன்னதாக மாணவர்களின் போட்டோக்கள் ஒட்டுப்பட்ட ஹால் டிக்கெட்கள் விநியோகிக்கப்பட்டது. இதனால் தேர்வு எழுதும் மாணவரின் போட்டோவை நீக்கிவிட்டு வேறு போட்டோ வைத்து ஆளுமாற்றம் செய்யும் சம்பவங்கள் நடைபெற்றன.

இதனை தவிர்க்க இந்த ஆண்டு முதல் +2 மற்றும் 10ம் வகுப்பு தேர்வு எழுதும் மாணவர்களின் ஹால் டிக்கெட்களில் ஸ்கேன் செய்த போட்டோக்கள் ஒட்டப்பட்டுள்ளது. இதன் மூலம் ஆள்மாற்றம் செய்வது தவிர்க்கப்படும்.

இந்த ஆண்டு முதல் அறிமுகப்பட்ட ஸ்கேன் செய்யப்பட்ட ஹால் டிக்கெட்கள் நேற்று அனைத்து பள்ளிகளுக்கு அனுப்பி வைக்கப்பட்டன. மேலும் இந்த ஆண்டு முதல் +2 மற்றும் 10ம் வகுப்பு மாணவர்களுக்கு புகைப்படத்துடன் கூடிய மதிப்பெண் சான்றிதழ் வழங்கப்பட உள்ளது.

Personnel and Administrative Reforms Department

G.O Ms.No.36 Dt : March 2, 2012

Restricted Holidays - Inclusion of "BHAGAWAN VAIGUNDASWAMI BIRTHDAY" Orders - Issued.

நிதி துறை

Letter No. 44093
February 24, 2012

ஓய்வூதியம் - ஓய்வூதியதாரர்கள்/குடும்ப ஓய்வூதியதாரர்கள் - கூடுதல் ஓய்வூதியம் மற்றும் கூடுதல் குடும்ப ஓய்வூதியம் வழங்குதல் - தெளிவுரை வேண்டுவது - தொடர்பாக.

STFI Aarpattam - 28.2.2012 sivaganga

ஆசிரியர் தகுதித் தேர்வு- ஐயங்களும் தீர்வுகளும்

பாடத் திட்டம் என்ன?

      ஆசிரியர் தகுதித் தேர்வுக்கான பாடத் திட்டங்களுக்கு, தமிழக அரசு ஒப்புதல் அளித்துள்ளது.மே இறுதியில், ஆசிரியர் தகுதித் தேர்வை, ஆசிரியர் தேர்வு வாரியம் நடத்துகிறது. இடைநிலை ஆசிரியர்களுக்கான தேர்வை, ஐந்தாம் வகுப்பு வரையிலான பாடத் திட்டத்தின் அடிப்படையிலும், பட்டதாரி ஆசிரியர்களுக்கான தேர்வை, எட்டாம் வகுப்பு வரையிலான பாடத் திட்டத்தின் அடிப்படையிலும் நடத்த முடிவு செய்யப்பட்டுள்ளது. பாடத் திட்டம் இந்த அளவில் இருந்தாலும், விண்ணப்பதாரர்களை சிந்திக்க வைக்கும் வகையில், அதிகளவில் கேள்விகள் இடம்பெற உள்ளன. இந்நிலையில், ஆசிரியர் தகுதித் தேர்வுக்கான பாடத் திட்டங்களை இறுதி செய்து, அரசின் ஒப்புதலுக்காக, ஆசிரியர் தேர்வு வாரியம் அனுப்பி வைத்தது. இதற்கு, அரசு தற்போது ஒப்புதல் அளித்து விட்டதாக, துறை வட்டாரங்கள் தெரிவித்தன. இதுகுறித்த விவரங்கள், அரசிதழில்  வெளியான பின், தகுதித் தேர்வு குறித்த அறிவிக்கையை, ஆசிரியர் தேர்வு வாரியம் வெளியிடும்; இந்தப் பணிகள் அனைத்தும், 10 நாட்களுக்குள் நிறைவடைய வாய்ப்புகள் இருக்கின்றன என, துறை அதிகாரிகள் தெரிவித்தனர்.

தேர்வு எப்போது?

மே இறுதியில் நடக்கவுள்ள ஆசிரியர் தகுதித் தேர்வுக்காக, எட்டு லட்சம் விண்ணப்பங்களை அச்சடிக்க, ஆசிரியர் தேர்வு வாரியம் நடவடிக்கை எடுத்துள்ளது. விண்ணப்பத்தின் விலை, 50 ரூபாயாகவும், தேர்வுக் கட்டணம், 500 ரூபாயாகவும் நிர்ணயிக்க, டி.ஆர்.பி., திட்டமிட்டுள்ளது. இடைநிலை ஆசிரியர் மற்றும் பட்டதாரி ஆசிரியர் என, இரு பிரிவினருக்கு, தகுதித் தேர்வு நடத்தப்பட உள்ளது. ஒவ்வொரு பிரிவினருக்கும், தலா, 150 மதிப்பெண்களுக்கு, பதில் தேர்வு செய்யும் முறையில் தேர்வு நடத்தப்படும். தமிழ், ஆங்கிலம், உளவியல், அறிவியல், சமூக அறிவியல் ஆகிய ஐந்து பாடப் பிரிவுகளின் கீழ், ஒவ்வொன்றில் இருந்தும் தலா, 30 மதிப்பெண்கள் வீதம், 150 மதிப்பெண்களுக்கு கேள்விகள் கேட்கப்படும். இதில், தேர்ச்சி பெறுவதற்கான குறைந்தபட்ச மதிப்பெண்களாக, 90 நிர்ணயிக்கப்பட்டுள்ளது. பாடத் திட்டங்களுக்கு, தமிழக அரசிடம் ஒப்புதல் கோரப்பட்டுள்ளது. இந்த வாரத்திற்குள் ஒப்புதல் கிடைத்துவிடும் எனக் கூறப்படுகிறது. அனுமதி கிடைத்ததும், தகுதித் தேர்வு குறித்த அறிவிப்பை, ஆசிரியர் தேர்வு வாரியம் வெளியிடும்.

ஐயங்களும் தீர்வுகளும்

ஆசிரியர் தகுதித் தேர்வில் உள்ள குழப்பங்கள் குறித்து, ஆசிரியர் தேர்வு வாரிய அதிகாரிகளுடன், பள்ளிக் கல்வித்துறை அமைச்சர் சி.வி.சண்முகம் நேற்று ஆலோசனை நடத்தினார். தகுதித் தேர்வில் உள்ள பல்வேறு சந்தேகங்கள், குழப்பங்கள் தீர்க்கப்பட்டு, முடிவுகள் எடுக்கப்பட்டன.

ஆசிரியர் பணிக்கு வர விரும்பும் அனைவரும், ஆசிரியர் தகுதித் தேர்வில் தேர்ச்சி பெற்றிருக்க வேண்டும்.

கல்லூரி ஆசிரியர் பணியில் சேர விரும்புவோருக்கு, "நெட்' அல்லது, "ஸ்லெட்' எப்படி ஒரு தகுதித் தேர்வாக இருக்கிறதோ, அதேபோல் தான், "டிஇடி' தேர்வும். ஆசிரியர் பணிக்குச் செல்ல, இது ஒரு தகுதித் தேர்வு;   

இத்தேர்வில் தேர்ச்சி பெறுவோருக்கு வழங்கப்படும் சான்றிதழ், 7 ஆண்டுகளுக்கு செல்லத்தக்கதாக இருக்கும்.

இத்தேர்வு ஆண்டுதோறும் நடக்கும். ஆசிரியர் பணிக்கு படித்த அனைவரும்,  இந்த தகுதித் தேர்வை எழுதலாம்.

இத்தேர்வில் தேர்ச்சி பெற, குறைந்தபட்சம் 60 சதவீத மதிப்பெண்கள் பெற வேண்டும் என, நிர்ணயிக்கப்பட்டுள்ளது.

இந்த மதிப்பெண்களை அடிப்படையாகக் கொண்டு, பணி நியமனம் நடைபெறாது. எழுத்துத் தேர்வு மற்றும் சான்றிதழ் சரிபார்ப்பு அடிப்படையில் தான், பணி நியமனம் இருக்கும்.

இடைநிலை ஆசிரியர்கள் நியமனம் தொடர்பாக, சுப்ரீம் கோர்ட்டில் வழக்கு நிலுவையில் இருக்கிறது. இந்த வழக்கு முடியும் வரை, மாநில பதிவுமூப்பு அடிப்படையில், பணி நியமனம் செய்யப்படும்.

வழக்கு முடிவுக்கு வந்தபின், இடைநிலை ஆசிரியர்களை எந்த வகையில் நியமனம் செய்வது என்பது குறித்து, தமிழக அரசு முடிவு செய்யும்.

அதே நேரத்தில், அவர்கள் தகுதித் தேர்வில் பங்கேற்று, தகுதி ஏற்படுத்திக்கொள்ள எந்தத் தடையும் இல்லை.

பட்டதாரி ஆசிரியர், முதுகலை ஆசிரியர் மற்றும் ஆசிரியர் பயிற்றுனர்கள் ஆகிய பணியிடங்கள், எழுத்துத் தேர்வு மூலமே நியமனம் செய்யப்படும்.

விரைவில் தேர்வு செய்யப்பட உள்ள முதுகலை ஆசிரியர் உட்பட அனைத்து வகை ஆசிரியர்களும், எழுத்துத் தேர்வு மூலமே நியமனம் செய்யப்படுவார்கள்.

இனிமேல், பதிவுமூப்பு அடிப்படையில், எவ்வித பணி நியமனங்களும் இருக்காது.

இந்த வகை ஆசிரியர்கள், எழுத்துத் தேர்வில் பங்கேற்பதற்கு முன், ஆசிரியர் தகுதித் தேர்வில் தேர்ச்சி பெறுவது கட்டாயம். பட்டதாரி தமிழ் மற்றும் ஆங்கில ஆசிரியர்களுக்கான தகுதித் தேர்வில், கணிதம்-அறிவியல் அல்லது சமூகக் கல்வி ஆகிய ஏதாவது ஒன்றின் கீழ், 60 மதிப்பெண்களுக்கு கேள்விகள் கேட்க வேண்டும் என இருப்பதை மாற்றி, தமிழ் மற்றும் ஆங்கிலப் பாடத்தில் இருந்தே, 60 மதிப்பெண்களுக்கான கேள்விகள் கேட்கும் வகையில், நடவடிக்கை எடுக்கப்படும். எனவே, இதிலும் எவ்வித பிரச்னையும் இருக்காது.

மே மாதத்தில், முதல் தகுதித் தேர்வு நடைபெறும் என கூறப்படுகிறது. அதன்பின், ஆண்டுதோறும் குறிப்பிட்ட தேதியில் இத்தேர்வை நடத்த, ஆசிரியர் தேர்வு வாரியம் திட்டமிட்டுள்ளது. கடந்த ஆண்டு ஏப்ரல் 1ம் தேதிக்குப்பின் பணியில் சேர்ந்த அரசு மற்றும் தனியார் பள்ளிகள் உட்பட அனைத்து வகை பள்ளிகளில் பணிபுரியும் ஆசிரியர்களும், ஆசிரியர் பணியை எதிர்பார்த்துக் கொண்டிருப்பவர்களும், இத்தேர்வை எழுத உள்ளனர்.

5 முதல், 10ம் வகுப்பு வரை பாடம் எடுக்கும் பட்டதாரி ஆசிரியர்கள் போட்டித் தேர்வு மூலம் தேர்ந்தெடுக்கப்படுவர்.

 இடைநிலைக் கல்வி ஆசிரியர்கள், உச்ச நீதிமன்ற தீர்ப்பு வரும் வரை, பதிவு மூப்பு அடிப்படையில் தேர்ந்தெடுக்கப்படுவர் என அரசாணை வெளியிடப்பட்டுள்ளது.

குழந்தைகளுக்கான கட்டாய மற்றும் இலவச கல்விச் சட்டத்தை, அரசிதழில், தமிழக அரசு வெளியிட்டுள்ளது.

6 முதல், 14 வயது வரையிலான குழந்தைகளுக்கு கட்டாயக் கல்வி அளிக்க, இச்சட்டம் வழிவகை செய்கிறது.

கட்டாயக் கல்விச் சட்டப்படி, இடைநிலை மற்றும் பட்டதாரி ஆசிரியர்களை, தகுதி தேர்வு நடத்தி தான், மாநில அரசுகள் நியமித்தாக வேண்டும்.

இந்நிலையில், "தமிழகத்தில், மாநில அளவிலான வேலைவாய்ப்பு பதிவு மூப்பு அடிப்படையில், இடைநிலை ஆசிரியர்களை நியமிக்க வேண்டும்" என, 2008ல், உச்ச நீதிமன்றம் உத்தரவிட்டது. இதுதொடர்பான வழக்கு, உச்ச நீதிமன்றத்தில் நிலுவையில் உள்ளது.

இடைநிலை ஆசிரியர்களைப் பொறுத்தவரை, உச்ச நீதிமன்ற இறுதி தீர்ப்பு வரும் வரை, மாநில அளவிலான வேலைவாய்ப்பு, பதிவு மூப்பு அடிப்படையில் நியமனம் செய்யப்படும்.

பட்டதாரி ஆசிரியர்களை பொறுத்தவரை, அனைத்து நடுநிலை, உயர்நிலை மற்றும் மேல்நிலைப் பள்ளிகளுக்கு, எழுத்துத் தேர்வு அடிப்படையில், நியமனம் செய்யப்படுவர்.

இந்த ஆசிரியர் தகுதித் தேர்வை நடத்தி, ஆசிரியர்களை நியமிக்கும் பணியை, ஆசிரியர் தேர்வு வாரியம் மேற்கொள்ளும். தேசிய கவுன்சில் வகுத்துள்ள கல்வித் தகுதி உள்ளவர்கள் தான், ஆசிரியர் தகுதித் தேர்வில் கலந்து கொள்ள முடியும்.

தேர்வு முறை

* தேர்வில், அனைத்து கேள்விகளும், நான்கு பதில்களில் ஒன்றை தேர்வு செய்ய வேண்டும். ஒவ்வொரு கேள்விக்கும், ஒரு மதிப்பெண் அளிக்கப்படும்.

* இரண்டு வகையான தேர்வுகள் நடத்தப்படும். ஒன்று முதல் ஐந்தாம் வகுப்பு வரை பாடம் எடுக்க உள்ளவர்களுக்கு ஒரு தாளும் (முதல் தாள்), ஆறு முதல் எட்டாம் வகுப்பு வரை பாடம் எடுக்க உள்ளவர்களுக்கு ஒரு தாளும் (இரண்டாம் தாள்) இடம்பெறும். எந்த வகுப்பு வேண்டுமானாலும் எடுக்க தயாராக உள்ளவர்கள்,  இரண்டையும் எழுத வேண்டும்.

* முதல் தாள், மொத்தம் 150 கேள்விகளைக் கொண்டதாகவும், ஒன்றரை மணி நேரம் அவகாசம் கொண்டதாகவும் இருக்கும்.

* இரண்டாம் தாள், 150 கேள்விகள் கொண்டதாகவும், ஒன்றரை மணி நேரம் அவகாசம் உள்ளதாகவும் இருக்கும்.

* அறிவியல் ஆசிரியர்களுக்கு, கணிதம் மற்றும் அறிவியல் பாடங்களில் இருந்து 60 கேள்விகளும், சமூக அறிவியல் பாட ஆசிரியர்களுக்கு, அதில் இருந்து 60 கேள்விகளும் கேட்கப்படும்.

* தேர்வில் 60 சதவீத மதிப்பெண் பெறுவோர், தேர்ச்சி பெற்றதாக அறிவிக்கப்படுவர். எனினும், பள்ளி நிர்வாகம், அரசு, உள்ளாட்சி அமைப்புகள் போன்றவை, ஆதிதிராவிடர், பழங்குடியினர், இதர பிற்படுத்தப்பட்ட வகுப்பினர் ஆகியோருக்கு, இடஒதுக்கீடு கொள்கையின்படி, சலுகைகள் வழங்கலாம். இவ்வாறு, உத்தரவில் தெரிவிக்கப்பட்டுள்ளது.

கட்டாய கல்விச் சட்டப்படி, தேசிய ஆசிரியர் கல்வி கவுன்சிலை, கல்வியியல் ஆணையமாக மத்திய அரசு நியமித்துள்ளது. இந்த ஆணையம், அனைத்து மாநிலங்களிலும் தொடக்கக் கல்விக்கு, ஆசிரியர் தகுதி தேர்வு நடத்தி தான் ஆசிரியர்களை நியமிக்க வேண்டும் என உத்தரவிட்டு, இதற்கான வழிமுறைகளையும் வகுத்துள்ளது.

  

  தமிழகத்தில் இடைநிலை ஆசிரியர்கள் (1 முதல் 5-ம் வகுப்பு வரை கற்பிப்பவர்கள்) குறைந்தபட்சம் ஆசிரியர் பட்டயப் படிப்பை D.T.Ed, முடித்திருக்க வேண்டும்.

பட்டதாரி ஆசிரியர்கள் (6 முதல் 8 வகுப்பு வரை கற்பிப்பவர்கள்) குறைந்தபட்சம் பி.எட்.(B.Ed) படித்திருக்க வேண்டும். அவர்கள் ஆசிரியர் தகுதித் தேர்விலும் வெற்றி பெற வேண்டும்.

இதுதவிர, இவர்கள் ஆசிரியர் தகுதி தேர்விலும் தேர்ச்சி பெற்றிருக்க வேண்டும். மேலும், ஆணையம் வகுத்துள்ள குறைந்தபட்ச தகுதி இல்லாத ஆசிரியர்கள், ஐந்து ஆண்டுகளுக்குள், அந்த தகுதியை பெற வேண்டும்.

இலவசக் கட்டாயக் கல்வி உரிமைச் சட்டத்தின்படி, இடைநிலை, பட்டதாரி ஆசிரியர்களைத் தேர்ந்தெடுக்க தகுதித் தேர்வு நடத்துவது கட்டாயமாக்கப்பட்டுள்ளது.

ஆசிரியர் தகுதித் தேர்வில் தேர்ச்சி பெற மொத்தம் 150-க்கு 60% மதிப்பெண் எடுக்க வேண்டும் என்று வரையறுக்கப்பட்டுள்ளது.

இந்தத் தேர்வில் தேர்ச்சியடைந்தால், அது அதிகபட்சமாக ஏழு ஆண்டுகள் வரை செல்லத்தக்கதாக இருக்கும்.

ஆசிரியராக விரும்புபவர் எத்தனை முறை வேண்டுமானாலும் இந்தத் தேர்வை எழுதலாம் என்றும் அறிவிக்கப்பட்டுள்ளது.

"மல்டிபிள் சாய்ஸ் வினாக்கள்' (Objective Type) வடிவில் முதல் தாள், இரண்டாம் தாள் என இந்தத் தேர்வு நடத்தப்படும்.

தமிழகத்தில் ஆசிரியர் தேர்வு வாரியம் இந்தத் தேர்வை நடத்தும் என்றும் தெரிவிக்கப்பட்டுள்ளது.

இலவச கட்டாயக் கல்வி உரிமைச் சட்டத்தை நடைமுறைப்படுத்த, நாடு முழுவதும் மிக அதிக அளவிலான ஆசிரியர்கள் நியமிக்கப்பட வேண்டியுள்ளது.

1 முதல் 8-ம் வகுப்பு வரை கற்பிப்பதற்காகத் தேர்ந்தெடுக்கப்படும் ஆசிரியர்களின் தரத்தை உறுதிப்படுத்த அவர்களுக்கு ஆசிரியர் தகுதித் தேர்வு நடத்தப்படும்.

இந்தத் தேர்வில் தேர்ச்சி பெற்றால் மட்டுமே அவர்கள் ஆசிரியர்களாக நியமிக்கப்படுவார்கள்.

இந்தத் தேர்வில்  பங்கேற்க தகுதிகள்

1. தேசிய ஆசிரியர் கல்வி கவுன்சில் வெளியிட்டுள்ள விதிமுறைகளின் படி ஆசிரியர் பட்டயம்,  பட்டப்படிப்பு முடித்தவர்கள்.

2. தேசிய ஆசிரியர் கல்வி கவுன்சில் அங்கீகாரம் பெற்ற ஆசிரியர் பயிற்சி நிறுவனத்தில் படிப்பவர்கள்.

150 மதிப்பெண்ணுக்குத் தேர்வு

ஆசிரியர் தகுதித் தேர்வு 150 மதிப்பெண்ணுக்கு நடத்தப்பட வேண்டும். இந்தத் தேர்வு 90 நிமிஷங்கள் கொண்டதாக இருக்கும்.

இவையனைத்தும் ஒரு மதிப்பெண் வினாக்களாக இருக்கும். இந்தத் தேர்வு இரண்டு தாள்களாக நடத்தப்படும்.

ஒன்று முதல் ஐந்தாம் வகுப்பு வரை பாடம் நடத்த விரும்புவோர் முதல் தாளையும், ஆறு முதல் எட்டாம் வகுப்பு வரை பாடம் நடத்த விரும்புவோர் இரண்டாம் தாளையும் எழுத வேண்டும்.

ஒன்று முதல் எட்டாம் வகுப்பு வரை பாடம் நடத்த விரும்புவோர் இரண்டு தாள்களையும் எழுத வேண்டும்.

ஆசிரியர் தகுதித் தேர்வு ஆண்டுக்கு ஒருமுறையாவது நடத்தப்பட வேண்டும்.

இந்தத் தேர்வில் வெற்றி பெற்றால், அது 7 ஆண்டுகளுக்குச் செல்லத்தக்கதாக இருக்கும்.

ஒருவர் இந்தத் தேர்வில் தனது மதிப்பெண்ணை அதிகரித்துக்கொள்ள மீண்டும் தேர்வு எழுதலாம்.

இந்தத் தேர்வில் தேர்ச்சி பெறுபவர்களுக்கு சான்றிதழ் வழங்கப்படும். இந்தச் சான்றிதழில் பதிவு எண், தேர்வெழுதிய ஆண்டு, மாதம், மதிப்பெண் உள்ளிட்ட விவரங்கள் இடம்பெற்றிருக்கும்.

முதல் தாளுக்கான கேள்வி அமைப்பு

 1. குழந்தைகள் மேம்பாடு மற்றும் கற்பித்தல் முறை 30 மதிப்பெண்

 2. மொழித்தாள் -1(கற்பிக்கும் மொழி) 30 மதிப்பெண்

 3. மொழித்தாள் -2(விருப்ப மொழி) 30 மதிப்பெண்

 4. கணிதம் 30மதிப்பெண்

 5.சுற்றுச்சூழலியல் 30 மதிப்பெண்

 இரண்டாம் தாளுக்கான கேள்வி அமைப்பு

 1. குழந்தைகள் மேம்பாடு மற்றும்

          கற்பித்தல் முறை (கட்டாயம்) 30 மதிப்பெண்

 2. மொழித்தாள் - 1(கட்டாயம்) 30 மதிப்பெண்

 3. மொழித்தாள் - 2(கட்டாயம்) 30 மதிப்பெண்

 4. (அ) கணிதம் மற்றும் அறிவியல்

 (கணிதம் மற்றும் அறிவியல் ஆசிரியர்களுக்கு மட்டும்) 60 மதிப்பெண்

 (ஆ) சமூகவியல் -(சமூகவியல் ஆசிரியர்களுக்கு மட்டும்) 60 மதிப்பெண்

 (இ) பிற ஆசிரியர்கள் இதில் ஏதேனும் ஒன்றில் தேர்வு எழுதினால்   போதுமானது.