28.9.2015 ஜேக்டோ மாநில உயர்மட்டக்குழு கூட்டம் முடிவுகள்

தமிழ்நாடு ஆரம்பப்பள்ளி ஆசிரியர் கூட்டணி மாநிலப் பொறுப்பாளர்கள் தொடக்கக்ல்வி இயக்குநர் மதிப்புமிகு இளங்கோவனுடன் 29.9.2015 அன்று சந்திப்பு

சத்துணவு ஊழியர்கள் மீது தடியடி நடத்திய தமிழக அரசுக்கு TNPTF கடும் கண்டனம்

அக்டோபர் 8 அடையாள வேலை நிறுத்தம். அரசாங்கத்தின் மன நிலையை மாற்றுமா?

திட்டமிட்டபடி அக்டோபர் 8 வேலை நிறுத்தம். இன்று சென்னையில் கூடிய ஜேக்டோ கூட்டத்தில் முடிவு

மதுரையில் 27.9.2015 அன்று நடந்த TNPTF மாநிலச் செயற்குழு தகவல் துளிகள்...

ஆட்சியாளர்களின் மனதை மாற்றுமா? அக்டோபர்-8

இனிய தோழமையே!!!

பல்வேறு போராட்டங்களில் பல வடிவங்களில் பங்குபெற்று பழக்கப்பட்ட உனக்கு அக்டோபர் 8 வேலை நிறுத்தத்திற்கு வா என அழைப்பு விடுப்பது என்பது தேவயைற்றது என்றே கருதுகிறேன். கிட்டதட்ட 15க்கும் மேற்பட்ட அகில இந்திய பொது வேலை நிறுதத்தில் கலந்துகொண்டு இந்த தேச முன்னேற்றத்திற்காக உன் ஊதியத்தை இழந்தவன் நீ. பொது கோரிக்கைக்கே போர் முரசு கொட்டும் நீ... உன் வாழ்வாதாரத்தை நிர்ணயிக்க போகும் 15 அம்ச கோரிக்கைகாக ஆரம்பப்பள்ளி முதல் மேல்நிலைப்பள்ளி வரையுள்ள 28 ஆசிரியர் இயக்கங்கள் ஜேக்டோ என்ற பதாகைக்கு கீழ் ஒருமித்த குரலாய் ஓங்கி ஒழிக்கின்ற மகா சமுதரத்தில் நீயும் சங்கமிப்பாய் என்று எனக்கு நன்கு தெரியும்.
அதோடு மட்டும் உன் கடமை முடிந்துவிடவில்லை என்பதை நீ அறிவாய். உன் சக ஆசிரியர் தோழனையும் அக்டோபர் 8 என்ற வரலாற்று சிறப்புமிக்க வேலை நிறுத்தத்தில் பங்கெடுக்க வைக்க வேண்டிய தலையாய கடமை உனக்குண்டு. போராட்டத்தை நசுக்க நம்மிடமே உள்ள சில நச்சு பாம்புகள் பல்வேறு விஷம கருத்துக்களை உமிழ முயற்சிக்கும் என்பதை கடந்தகால போராட்டங்களில் நீ நன்கு உணர்ந்திருப்பாய். இங்கு போராடாமல் யாராட்டமும் செல்லாது என்ற பால பாடத்தை நீ படித்து வளர்ந்தவன் என்பதால் உனக்கு விரிவாக சொல்ல தேவையில்லை. ஆனால் களப் போராட்டம் என்பது பல்வேறு சிந்தைனயுள்ள இயக்கங்கள் ஒருங்கிணைந்து செயலாற்ற வேண்டிய சூழல் இன்று ஜேக்டோவினால் ஏற்பட்டுள்ளது. எனவே களத்தை சூடு படுத்த வேண்டும். அனைவரையும் களப்போராளியாக மாற்ற வேண்டும். நம் உரிமையை மீட்டெடுக்க கடைசி வாய்ப்பு என்பதை உணரச் செய்யவேண்டும். மத்திய அரசு ஊழியர்கள் அடுத்த ஊதியக்குழுவின் பரிந்துரை நாளை எதிர்நோக்கியுள்ளபொழுது நாம் கடந்த ஊதியக்குழுவின் துரோகத்திற்கு கூக்குரலிட்டுக் கொண்டிருக்கிறோம். நாம் பெற முடியாமல் போனதற்கு கடந்தகாலத்தில் நம்மிடம் ஒற்றுமையின்மைதான் என்பதை உணர்த்துங்கள். ஒன்று கூடியவர்களும் ஓடிய வரலாற்றை மறந்து ஒன்றாக்கப்பட்டுள்ளார்கள். வட்டார அளவில், மாவட்ட அளவில், மாநில அளவில் நம்முடைய பலத்தை இந்த அரசுக்கு உணர்த்தியாச்சு.
அப்படியிருந்தும் மௌனம் காக்கும் அரசின் மௌனம் கலைக்க கடைசி வாய்ப்பு அக்டோபர்-8 அனைத்து பள்ளிகளும் இயங்கவில்லை என்ற அதிரடிச் செய்தியகத்தான் இருக்கும். கல்வித்துறையின் இரும்பு கதவுகள் உடைக்கப்பட்டு ஆசிரியர்களின் நியாயமான கோரிக்கைகள் ஏற்கப்பட்டன எனவும், தமிழக அரசு அனைத்து கோரிக்கைகளையும் ஏற்றது என்ற செய்தியும் ஊடகங்டகள் வழியாக உனக்கு வந்தடையும் என்பதை பலமாக நம்பு. ஜேக்டோவில் இல்லாத ஆசிரியர் நண்பர்களையும் வேலை நிறுத்தத்திற்கு அழைக்க தவறாதே. ஜேக்டோவின் மாவட்ட வேலை நிறுத்த ஆயத்த கூட்டங்கள் நிறைவடைந்த நிலையில் வட்டார கூட்டங்களை நடத்திக்கொண்டிருக்கிறாய் என்ற செய்தி மகிழ்வுதான். நடத்தாத வட்டாரங்களில் பொறுப்பாக்கப்பட்ட இயக்க பொறுப்பாளர்களை தொடர்பு கொண்டு நடத்த திட்டமிடு. முதல் பருவதத்திற்கான விடுமுறையை வேலை நிறுத்த ஆயத்தத்திற்காக பயன்படுத்து.
நாளை மதுரையில் நடைபெற இருக்கும் நமது இயக்கத்தின் மாநிலச் செயற்குழுவில் அக்டோபர் - 8 வேலை நிறுத்தத்தை எப்படி வெற்றியாக்குவது என இறுதிக்கட்ட திட்டமிடல் நடைபெற இருக்கிறது. தோழனே உறக்கமின்றி செயலாற்று.
வெற்றி நமதே...

தொடர்ந்து உன்னோடு வருவேன்...

தோழமையுடன்...
முத்துப்பாண்டியன்.ஆ
TNPTF மாவட்டச்செயலாளர்
சிவகங்கை மாவட்டம்

ஆசிரியர்களுக்கு தொடர் பயிற்சி அளிப்பதை தவிர்க்க கோரிக்கை

முதல் பருவத்தேர்வு தொடங்கும் நேரத்தில் ஆசிரியர்களுக்கு தொடர் பயிற்சி அளிப்பதை தவிர்க்க வேண்டும் என கோரிக்கை விடுக்கப்பட்டுள்ளது.

இதுகுறித்து தமிழ்நாடு ஆரம்பப்பள்ளி ஆசிரியர் கூட்டணியின், சிவகங்கை மாவட்டச் செயலர் முத்துப்பாண்டியன், மாவட்ட கூடுதல் முதன்மைக்கல்வி அலுவலரிடம் கொடுத்துள்ள மனுவில் தெரிவித்திருப்பது: செப்.19 ஆம் தேதி முதல் தொடக்க, நடுநிலைப்பள்ளி மாணவர்களுக்கு முதல் பருவத் தேர்வு தொடங்க உள்ளது.

இந்நிலையில் தொடக்கப்பள்ளி ஆசிரியர்களுக்கு ஆங்கிலப் பயிற்சியை 4 நாள்கள் வீதம் நான்கு கட்டங்களாக முடித்துள்ள நிலையில், கணித உபகரண பயிற்சி, தொடக்கப்பள்ளி ஆசிரியர்களுக்கு 10, 11, 14 தேதிகளில் முதல் கட்டமாக வழங்கப்பட்டது.

இரண்டாம் கட்டமாக 15, 16, 18 தேதிகளிலும் நடக்க இருக்கிறது. நடுநிலைப்பள்ளி பட்டதாரி ஆசிரியர்களுக்கு அறிவியல் பயிற்சி 15, 16, 18 தேதிகளிலும், ஆங்கிலப்பயிற்சி 14, 21, 28 தேதிகளிலும் நடத்தப்பட உள்ளது. இதனால் பயிற்சியில் கலந்துகொள்ள பெரும்பான்மையான ஆசிரியர்கள் சென்று விடுவதால், பள்ளியில் குறைவான ஆசிரியர்கள் உள்ளனர். பல பள்ளிகளில் ஓராசிரியர் மட்டுமே நீடிக்கும் நிலை உள்ளது.

எனவே மாணவர்களின் கல்வி நலன் கருதி ஒரே நேரத்தில் ஆசிரியர்களுக்கு தொடர் பயிற்சி அளிப்பதை கல்வித்துறை தவிர்க்க வேண்டும் என அதில் குறிப்பிட்டுள்ளார்.

நமது அறிக்கை இன்றைய தினகரனில் (18.9.2015) செய்தியாக வெளியீடு

நமது அறிக்கை இன்றைய தினமலர் (15.9.2015) நாளிதழில்

20.9.2015 வேலை நிறுத்த ஆயத்த கூட்டத்தில் பங்கேற்க பொறுப்பாளர்களுக்கு கடிதம்

சிவகங்கை CEO(SSA) க்கு இயக்கத்தின் கடிதம்

நமது அறிக்கை நக்கீரன் இணையதளத்தில் வெளிவந்துள்ளது

தேர்வு நேரத்தில் தொடர் பயிற்சி அளிப்பதை தவிர்க்க வேண்டும்; ஆரம்பப்பள்ளி ஆசிரியர் கூட்டணி வேண்டுகோள்

முதல் பருவத் தேர்வு தொடங்கும் நேரத்தில் ஆசிரியர்களுக்கு தொடர் பயிற்சி அளிப்பதை தவிர்த்திருக்க வேண்டுமென கல்வி இயக்கத்திற்கு (SSA) தமிழ்நாடு ஆரம்பப்பள்ளி ஆசிரியர் கூட்டணி வேண்டுகோள் விடுத்துள்ளது. 

இது குறித்து தமிழ்நாடு ஆரம்பப்பள்ளி ஆசிரியர் கூட்டணி, சிவகங்கை மாவட்டச் செயலாளர் முத்துப்பாண்டியன் கூடுதல் முதன்மைக்கல்வி அலுவலருக்கு அனுப்பியுள்ள கடிதத்தில் கூறியுள்ளதாவது:

வருகிற 19ந் தேதி முதல் தொடக்க நடுநிலைப்பள்ளி மாணவர்களுக்கு முதல் பருவத் தேர்வு தொடங்க உள்ள நிலையில் ஆசிரியர்களுக்கு தொடர் பயிற்சி அளிப்பதால் பள்ளியில் ஒரு ஆசிரியர் மட்டுமே உள்ள நிலை உள்ளது. இதனால் தேர்வு நேரத்தில் மாணவர்களுக்கு தேர்வு சார்ந்த பயிற்சி அளிப்பதில் ஆசிரியர்கள் சிரமங்களை எதிர்நோக்க வேண்டியுள்ளது.

தொடக்கப்பள்ளி ஆசிரியர்களுக்கு ஆங்கிலப் பயிற்சியை 4 நாட்கள் வீதம் நான்கு கட்டங்களாக முடித்துள்ள நிலையில் கணித உபகரண பயிற்சி தொடக்கப்பள்ளி ஆசிரியர்களுக்கு 10, 11, 14 தேதிகளில் முதல் கட்டமாக வழங்கப்பட்டது. இரண்டாம் கட்டமாக 15, 16, 18 தேதிகளிலும் நடக்க இருக்கிறது. நடுநிலைப்பள்ளி பட்டதாரி ஆசிரியர்களுக்கு அறிவியல் பயிற்சி 15, 16, 18 தேதிகளிலும், ஆங்கிலப்பயிற்சி 14, 21, 28 தேதிகளிலும் நடத்தப்பட உள்ளது. இதனால் பயிற்சியில் கலந்துகொள்ள பெரும்பான்மையான ஆசிரியர்கள் சென்று விடுவதால் பள்ளியில் சொற்ப எண்ணிக்கையிலேயே ஆசிரியர்கள் உள்ளனர். பல பள்ளிகளில் ஓராசிரியர் மட்டுமே நீடிக்கும் நிலை உள்ளது. 

ஆசிரியர்களுக்கு பயிற்சியளிப்பது கற்றல் கற்பித்தலை வலுப்படுத்தும் என்றாலும், ஆண்டு முழுவதும் சீராக கொடுக்க வேண்டிய பயிற்சியை ஒரே நேரத்தில் கொடுப்பதால் மாணவர்களின் கல்வி நலன் பாதிக்கப்படுவதோடு மடடுமல்லாமல் தேர்வு நேரத்தில் அவர்களை தேர்வுக்கு தயார் படுத்துவதில் பல சிரமங்களை எதிர்நோக்க வேண்டியுள்ளது. மேலும் பள்ளியில் ஆசிரியர் இல்லாததால் கிராம மக்களின் அதிருப்திக்கும் ஆளாக வேண்டியுள்ளது.

எனவே மாணவர்களின் கல்வி நலன் கருதி ஒரே நேரத்தில் ஆசிரியர்களுக்கு தொடர் பயிற்சி அளிப்பதை கல்வித்துறை தவிர்க்க வேண்டும் என அக்கடிதத்தில் குறிப்பிட்டுள்ளார்.

- நா.ஆதித்யா.

Click here

இன்று (10.9.2015) சிவகங்கையில் ஜேக்டோ மாவட்ட கூட்டம்

இன்று (10.9.2015) சிவகங்கையில் ஜேக்டோ மாவட்ட கூட்டம் நடைபெற்றது. தமிழ்நாடு ஆரம்பப்பள்ளி ஆசிரியர் கூட்டணி உட்பட ஜேக்டோவில் அங்கம் வகிக்கும் இயக்கங்களின் உயர் மட்ட மாவட்ட பொறுப்பாளர்கள் கலந்துகொண்டனர். இதில் வருகிற அக்டோபர்-8 வேலை நிறுத்தத்தை வெற்றிகரமாக நடத்துவது எனவும், மாவட்ட வேலை நிறுத்த ஆயத்த மாநாட்டினை வருகிற 20.9.2015 அன்று காலை 10.00 மணிக்கு மன்னர் மேல்நிலைப்பள்ளி கூட்டரங்கில் நடத்துவது என முடிவாற்றப்பட்டது. வேலை நிறுத்த ஆயத்த மாநாட்டில் வட்டார நிர்வாகிகள், பொதுக்குழு உறுப்பினர்கள், மாவட்ட, மாநில நிர்வாகிகள், முன்னனி உறுப்பினர்கள் பங்கேற்க தோழமையுடன் கேட்டுக்கொள்கிறேன்.
தோழமையுடன்....
ஆ.முத்துப்பாண்டியன்
மாவட்டச் செயலாளர்
TNPTF

தொடக்கக்கல்வி இயக்கநருடன் மாநிலப் பொறுப்பாளர்கள் சந்திப்பு

இன்று(7.9.15) தொடக்கக்கல்வி இயக்குனர் மதிப்புமிகு.இளங்கோவன் அவர்களை மாநிலப்பொதுச் செயலாளர் மற்றும் துணைப் பொதுச் செயலாளர் ஆகியோர் தொடக்கக்கல்வி இயக்ககத்தில் சந்தித்து பல்வேறு கோரிக்கைகள் குறித்து விவாதித்தனர்.
1. சிவகங்கை மாவட்டம் சிங்கம்புணரி ஒன்றியம் உதவித் தொடக்கக்கல்வி அலுவலக கட்டிடம் கட்ட நிதி ஒதுக்கீடு செய்ய கோரிக்கை வைக்கப்பட்டது. நமது கோரிக்கையின் சமூக நோக்கத்தை பாராட்டியதோடு உடனடியாக பிரிவு அலுவலரை வரவழைத்து நடவடிக்கை மேற்கொள்ள உத்தரவிட்டார்.
2. மாவட்ட மாறுதலுக்கு பின்னால் ஏற்பட்ட காலிப்பணியிடங்களுக்கு தகுதியான ஆசிரியர்களுக்கு பதவி உயர்வு அளிக்க வேண்டும் என கேட்டுக்கொள்ளப்பட்டது. மேலும் எஸ்.எஸ்.ஏ அல்லாத நடுநிலைப்பள்ளிகளுக்கு மூன்றாவது பட்டதாரி பணியிடம் வழங்க வேண்டும் என வலியுறுத்தப்பட்டது. டிசம்பருக்குள் மீண்டும் ஒரு பதவி உயர்வு அளிக்க உத்தரவிடுவதாக உறுதியளித்துள்ளார்கள்.
3. திருப்பூர் மாவட்டம் காங்கேயம் ஒன்றியம் உதவித் தொடக்கக்கல்வி அலுவலக இளநிலை உதவியாளர் கா.ஜான்சிராணி மீது நடவடிக்கை எடுக்க வலியுறுத்தப்பட்டது.
4. கலந்தாய்வில் மாறுதல் பெற்று விடுவிக்கப்படாமல் இருக்கும் ஆசிரியர்களுக்கு உரிய வழி காட்டுதல் வழங்க கேட்டுக்கொள்ளப்பட்டது.
5. உபரி பணியிட மாறுதல் பெற்றவர்களுக்கு மனமொத்த மாறுதலில் செல்ல ஓராண்டு நிபந்தனையிலிருந்து தளர்வு செய்து மாறுதல் அனுமதிக்க கேட்டுக்கொள்ளப்பட்டது.
6. தற்பொழுது நடந்த முடிந்த பொது மாறுதல் கலந்தாய்வில் நிர்வாக மாறுதல் பெற்றவர்களுக்கு முன்னுரிமை மறுக்கப்பட்டது குறித்து உரிய நடவடிக்கை மேற்கொள்ள கேட்டுக்கொள்ளப்பட்டது.
7. காஞசிபுரம் மாவட்டத்தில் இளநிலை பணியிலிருந்து இடைநிலை பதவி உயர்வு வழங்கியமைக்கு தேர்ச்சி பெற்ற நாளிலிருந்து ஊதியம் நிர்ணயம் செய்ய வேண்டுகோள் வைக்கப்பட்டது.
8. மதுரை மாவட்டம், கள்ளிக்குடி ஒன்றியத்தில் கடந்தாண்டு பணி நிரவலில் சென்ற ஆசிரியைக்கு காலியாக உள்ள இடைநிலையாசிரியர் பணியிடத்தை வழங்க கேட்டுக்கொள்ளப்பட்டது.
9. காஞ்சிபுரம் மாவட்டம், சித்தாமூர் ஒன்றியம், நெற்குணம் நடுநிலைப்பள்ளியில் காலியாக உள்ள பட்டதாரி ஆசிரியர் பணியிடத்திற்கு பதவி உயர்வு அளிக்க கேட்டுக்கொள்ளப்பட்டது.
10. இந்தாண்டு பணி நிரவலில் மாறுதல் பெற்ற ஆசிரியர்களுக்கு மாவட்ட மாறுதல் மறுக்கப்பட்டது குறித்து புகார் தெரிவிக்கப்பட்டது. அதை சரி செய்ய கேட்டுக்கொள்ளப்பட்டது
மேற்கண்ட கோரிக்கைகளை கவனமுடன் உள்வாங்கிய இயக்குனர் அவர்கள் உரிய நடவடிக்கை எடுப்பதாக உறுதியளித்துள்ளார்கள்.
தகவல் பகிர்வு: முத்துப்பாண்டியன்.ஆ, சிவகங்கை மாவட்டச் செயலாளர்

29.8.2015 தினகரன் நாளிதழ் நமது செய்தியை வெளியிட்டுள்ளது

இந்த வாரம் நக்கீரன் வார இதழில் சிவகங்கை மாவட்டத்தில் நடந்த கலந்தாய்வு குழப்பம் பற்றி செய்தி வெளி வந்துள்ளது.

தினகரன் செய்தி வெளியீடு 25.8.15

தமிழ்நாடு மாநில சட்டசபை கூட்டம் 2015 - 24.08.2015 முதல் காலை 9.30 மணியளவில் அலுவலகத்திற்கு வருகை புரிய வேண்டும் மற்றும் தலைமையிடத்தில் இருக்க இயக்குனர் உத்தரவு

தமிழக பள்ளி ஆசிரியருக்கு தகவல் தொழில்நுட்ப விருது

மத்திய அரசின் தகவல் தொழில்நுட்ப கற்பித்தல் விருதுக்கு, உத்திரமேரூர் ஊராட்சி ஒன்றிய நடுநிலைப் பள்ளி ஆசிரியர் அன்பழகன், தேர்வு செய்யப்பட்டுள்ளார். அவர், அடுத்த மாதம், 5ம் தேதி, ஜனாதிபதியிடம் விருது பெறுகிறார்.மத்திய மனிதவள மேம்பாட்டுத் துறை சார்பில், தகவல்தொடர்பு மற்றும் தொழில்நுட்பத்தை பயன்படுத்தி கற்பிக்கும் சிறந்த ஆசிரியர்களுக்கு, 2010 முதல் ஆண்டுதோறும், தகவல் தொழில்நுட்ப கற்பித்தல் விருது வழங்கப்படுகிறது.

இந்த விருதை, தமிழகத்தில் இதுவரை, ஐந்து ஆசிரியர்கள் பெற்றுள்ளனர்.கடந்த, 2014 - 15ம் ஆண்டிற்கான விருதுக்கு, தமிழகம், இமாச்சல பிரதேசம், கர்நாடகா, உத்தரகண்ட், அரியானா, ம.பி., மற்றும் டில்லி மாநிலங்களின், ஒன்பது ஆசிரியர்கள் தேர்வாகியுள்ளனர்.

தமிழகத்தில், காஞ்சிபுரம் மாவட்டம், உத்திரமேரூர் ஊராட்சி ஒன்றிய நடுநிலைப் பள்ளி பட்டதாரி அறிவியல் ஆசிரியர் அன்பழகன், விருதுக்கு தேர்வு செய்யப்பட்டுள்ளார். ஆசிரியர் தினமான, அடுத்த மாதம், 5ம் தேதி, டில்லியில், ஜனாதிபதி மாளிகையில் விருது வழங்கப்படும்.

எளிய பொருட்கள் மூலம் அறிவியல் மாதிரிகளை எவ்வாறு செய்வது என்ற செயல் முறையை, மற்ற மாவட்ட மாணவர்களுக்கு, 'ஆன்-லைனில்' செய்து காட்டியதற்காக விருது வழங்கப்படுகிறது.ஆசிரியர் அன்பழகன், ஏற்கனவே மாநில அளவிலும், தேசிய அளவிலும், 'மைக்ரோசாப்ட் நிறுவன விருதையும் பெற்றுள்ளார். 2013ல், ஜப்பானில் நடந்த, கணித பாடத்திட்ட வடிவமைப்பு பயிற்சி முகாமில் பங்கேற்று, பயிற்சி பெற்றுள்ளார்.

மாவட்ட மறுதலுக்காக காத்திருக்கும் ஆசிரியர்களுக்காக இடைநிலையாசிரியர் மற்றும் பட்டதாரி ஆசிரியர் காலிப்பணியிட விபரம்

தமிழ்நாடு ஆரம்பப்பள்ளி ஆசிரியர் கூட்டணி

சிவகங்கை மாவட்டம்

வெளியீடு: ஆ.முத்துப்பாண்டியன், மாவட்டச்செயலாளர்

சிவகங்கை ஒன்றியம்
1. அண்ணா நகர்
2. லக்ஷிமிபுரம்
ம.ஜெயக்குமார் 9655070684

தேவகோட்டை ஒன்றியம்
1. வாடி நன்னியூர்
2. சிறுநல்லூர்
3. கட்டணூர்
4. கைக்குடி
5. மாவிடுதி நல்லூர்
பா.தனுஷ்கோடி 9443181443
ஜோசப் 9843075850

காளையார்கோயில் ஒன்றியம்
1. பெரிய ஓலைக்குடிப்பட்டி
2. பில்லத்தி
3. காடனேரி
ம.சகாயதைனேஸ் 9942575550

இளையான்குடி ஒன்றியம்
1. பெரும்பச்சேரி
2. சந்தேனந்தல்
3. மருதங்கநல்லூர் -2
4. வலகனி
5. மேல விசவனூர்
6. வேரியாத்தகண்டன்
7. கீழையூர்
8. களத்தூர்
9. புக்குளம்
10. வடக்கு வண்டல்
11. நன்னியாவூர்
12. வடக்கு விசவூனூர்
13. இளமனூர்
14. சாத்தனி
என்.தோமை 9486671498

திருப்புவனம் ஒன்றியம்
காலிப்பணியிடம் இல்லை
அ.சத்தியேந்திரன் 9942262370

மானாமதுரை ஒன்றியம்
1. மேலநட்டனூர்
த.தங்கமாரியப்பன் 9787315793

சாக்கோட்டை ஒன்றியம்
காலிப்பணியிடம் இல்லை
எம்.ஜேம்ஸ் கென்னடி 9442756749

கல்லல் ஒன்றியம்
1. வெளியாறி
2. மேல்குடி
3. வேளனிப்பட்டி
4. தண்ணீர்பந்தல்
5. பனைத்திருத்தி
எஸ்.சேவியர் சத்தியநாதன் 9787491475

சிங்கம்புணரி ஒன்றியம்
1. கொள்ளுகுடிப்பட்டி
பொன்.பால்துரை 9942612121

திருப்பத்தூர் ஒன்றியம்
1. எம்.புதூர்
2. பிராமணம்பட்டி
3. மேலையான்பட்டி
4. சோழம்பட்டி
5. வடுகப்படடி
6. சுண்டக்காடு
7. பூலாங்குறிச்சி 3
8. சேவினிப்பட்டி 2
9. கணக்கம்பட்டி 2
10. இளையாத்தங்குடி
11. மகிபாலன்பட்டி
12. மார்கண்டேயன்பட்டி
சிங்கராயர்.வெ 9443871304
மு.ஜெயக்குமார் 9715907934

எஸ்.புதூர் ஒன்றியம்
1. கரிசல்பட்டி
2. தேத்தாம்பட்டி
3. மின்னமலைப்பட்டி
4. உலகம்பட்டி
5. செம்மாம்பட்டி
6. வி.புதூர்
7. கொண்டபாளையம்
8. மேலவண்ணாயிருப்பு
9. குறும்பலூர்
10. உரத்துப்பட்டி
ஜெ.சுதர்சன் 9159461165

கண்ணங்குடி ஒன்றியம்
1. கொடிக்குளம்
2. தேவன்டாதாவு
மு.க.புரட்சித்தம்பி 9524626364

மொத்த காலிப்பணியிடம் 60

பட்டதாரி ஆசிரியர் பணியிடம்:
அறிவியல் (மற்ற பாடங்கள் காலி இல்லை)
1. தேவகோட்டை ஒன்றியம் - பாரதி வேலங்குளம்
2. எஸ்.புதூர் ஒன்றியம் - அரியாண்டிப்பட்டி

• குறிப்பு: காலிப்பணியிடம் நிபந்தனைகளுக்கு உடட்பட்டது. தகவலுக்காக மட்டுமே பகிரப்பட்டுள்ளது. வட்டராச் செயலாளர்களின் குறுந்தகவல்கள் அடிப்படையில் வெளியிடப்பட்டுள்ளது.

சிவகங்கை சட்டமன்ற உறுப்பினர் தோழர் எஸ்.குணசேகரன் அவர்களுக்கு அவசர கடிதம்

சட்டசபையில் வெளியாகுமா?ஆசிரியர் நியமனம்

சிவகங்கையில் மாறுதல்கலந்தாய்வு முறைகேடு - தினமலர் செய்தி வெளியீடு

Cilkck Here

சிவகங்கையில் மாறுதல்கலந்தாய்வு முறைகேடு - தினகரன் செய்தி வெளியீடு

சிவகங்கையில் மாறுதல்கலந்தாய்வு முறைகேடு - தினத்தந்தி செய்தி வெளியீடு

Click Here

சிவகங்கையில் கலந்தாய்வை புறக்கணித்து தலைமையாசிரியர்கள் ஆர்ப்பாட்டம்

சிவகங்கையில் திங்கள்கிழமை நடைபெற்ற தொடக்கப் பள்ளித் தலைமையாசிரியர்களுக்கான கலந்தாய்வில் காலிப்பணியிடங்களை வெளிப்படையாக வெளியிட வலியுறுத்தி கலந்தாய்வை புறக்கணித்து ஆர்ப்பாட்டம் நடத்தினர். 

 சிவகங்கை மருதுபாண்டியர் அரசு மேல்நிலைப் பள்ளியில் தொடக்கப் பள்ளி தலைமையாசிரியர்களுக்கான மாறுதல் மற்றும் பதவி உயர்வுக்கான கலந்தாய்வு திங்கள்கிழமை நடைபெற்றது. இதில், சிவகங்கை ஒன்றியத்தில் புதுப்பட்டி, காளையார்கோவில் ஒன்றியத்தில் சிலுக்கபட்டி, பெரிய நரிக்கோட்டை, மானாமதுரை ஒன்றியத்தில் நவதாவு ஆகிய ஊர்களில் காலி பணியிடங்களை மறைத்து கலந்தாய்வு நடப்பதாகக் கூறி தலைமையாசிரியர்கள் எதிர்ப்பு தெரிவித்து வெளிநடப்பு செய்தனர்.

காலிப்பணியிடங்களை முறையாக வெளியிடக் கோரி ஆர்ப்பாட்டம் நடத்தினர்.

தகவலின்பேரில் சிவகங்கை நகர் காவல் ஆய்வாளர் மலைச்சாமி தலைமையிலான போலீஸார், தலைமையாசிரியர்கள் மற்றும் சங்க நிர்வாகிகளுடன் பேச்சுவார்த்தை நடத்தினர். 

இதில் உடன்பாடு ஏற்படாததையடுத்து, கலந்தாய்வு தடைபட்டது. அதன் பின் அமைதியாக நடைபெற்றது.

Source:dinamani

இந்தியப்பள்ளி ஆசிரியர் கூட்டமைப்பு மாவட்ட கூட்டம்

இன்று (11.8.2015) சிவகங்கையில் இந்தியப்பள்ளி ஆசிரியர் கூட்டமைப்பு மாவட்ட  கூட்டம் மாவட்ட அலுவலகத்தில் தமிழ்நாடு ஆரம்பப்பள்ளி ஆசிரியர் கூட்டணியின் மாவட்டச் செயலாளர் முத்துப்பாண்டியன் தலைமையில் நடைபெற்றது. தமிழ்நாடு உயர்நிலை மேல்நிலைப்பள்ளி பட்டதாரி ஆசிரியர் கூட்டணியின் மாவட்டச் செயலாளர் முத்துச்சாமி, தமிழ்நாடு இடைநிலை ஆசிரியர் சங்கத்தின் மாவட்டச் செயலாளர் தவமணி செல்வம் முன்னிலை வகித்தனர். தமிழ்நாடு இடைநிலை ஆசிரியர் சங்கத்தின் மாநிலத்துணைத்தலைவர் சங்கர் தீர்மானங்களை முன் மொழிந்தார். தமிழ்நாடு ஆரம்பப்பள்ளி ஆசிரியர் கூட்டணி மாநிலச் செயற்குழு உறுப்பினர் மு.க.புரட்சித்தம்பி, மாவட்டப் பொருளாளர் குமரேசன், மாவட்டப்பொதுக்குழு உறுப்பினர் ஆரோக்கியராஜ், வட்டாரச்செயலாளர்கள் சகாயதைனேஸ், ஜெயக்குமார், சிவகங்கை வட்டாரத் தலைவர் டேவிட் ரொசாரியோ, பொருளாளர் பாலமுருகன் உள்ளிட்ட நிர்வாகிகள் கலந்துகொண்டனர். கூட்டத்தில் கீழ்கண்ட தீர்மானங்கள் நிறைவேற்றப்பட்டன.
1. புதிய பென்சன் திட்டத்தை கைவிடக் கோரி செபடம்பர்-2ல் நடைபெறும் அகில இந்திய வேலை நிறுத்தத்தில் மாவட்டத்தில் உள்ள அனைத்து ஆசிரியர்களும் பங்கேற்பது என முடிவாற்றப்பட்டது.
2. வேலை நிறுத்த ஆயத்த மாநாட்டினை வருகிற 23.8.2015ல் சிவகங்கையில் நடத்துவது எனவும், அதில் மாவட்டத்தில் உள்ள அனைத்து இயக்கங்களின் நிர்வாகிகளை பங்கேற்கச் செய்வது எனவும் முடிவாற்றப்பட்டது.
3. தற்பொழுது நடைபெற இருக்கும் ஆசிரியர் பொது மாறுதல் கலந்தாய்வை எவ்வித ஊழலுக்கும் இடம் தராமல் வெளிப்படையாக நடத்த வேண்டும் என மாவட்ட கல்வித்துறையை .இக்கூட்டம் கேட்டுக்கொள்கிறது.
4. மாறுதல் கலந்தாய்விற்கு முன்னால் முறைகேடாக நிர்வாக மாறுதலை வழங்குவதை தவிர்க்க மாவட்ட கல்வித் துறையை இக்கூட்டமைப்பு கேட்டுக்கொள்கிறது.

வேலை நிறுத்தம் - ஜேக்டோ முடிவு

அகில இந்திய பொது வேலை நிறுத்த ஆயத்த மாநாடு அழைப்பிதழ்

தொடக்கக் கல்வி - 2015-16ம் கல்வியாண்டிற்கான பொது மாறுதல் - கடைபிடிக்க வேண்டிய நெறிமுறைகள்

DEE - TRANSFER NORMS CLICK HERE...

DEE / DSE - TRANSFER APPLICATION FORMATS மாறுதல் விண்ணப்ப படிவங்கள்

DEE - TRANSFER APPLICATION CLICK HERE...

DSE - TRANSFER APPLICATION CLICK HERE...

DSE - MUTUAL APPLICATION CLICK HERE...

DSE / DEE - SPOUSE CERTIFICATE CLICK HERE...

STFI

தினகரன் செய்தி வெளியீடு 18.7.2015

தொடக்கக்ல்வி இயக்குநர் மதிப்புமிகு இளங்கோவனுடன் 20.7.2015 அன்று சந்திப்பு

Dinathanthi News 22.7.2015

Click here

Dinamalar - 22.7.2015

Dinakaran 22.7.2015

Dinakaran 21.7.2015

TNPTF பொதுச்செயலாளர் அறிக்கை - தினத்தந்தி செய்தி வெளியீடு

கிளிக் செய்யவும் CLICK HERE

தினகரன் செய்தி வெளியீடு 16-7-2015

ஆசிரியர் பொது மாறுதல் கலந்தாய்வில் கலந்துகொள்ள மூன்றாண்டு முடித்திருக்க வேண்டும் என்ற அதிர்ச்சியான அறிவிப்புக்கு தமிழ்நாடு ஆரம்பப்பள்ளி ஆசிரியர் கூட்டணி கடும் கண்டனம் - பத்திரிக்கைச்செய்தி

தமிழ்நாடு ஆரம்பப் பள்ளி ஆசிரியர் கூட்டணி மாவட்ட செயற்குழுக் கூட்டம்

சிவகங்கையில், தமிழ்நாடு ஆரம்பப் பள்ளி ஆசிரியர் கூட்டணியின் மாவட்டச் செயற்குழுக் கூட்டம் நடைபெற்றது.

   மாவட்ட அலுவலகத்தில் நடைபெற்ற இக்கூட்டத்துக்கு, மாவட்டத் தலைவர் தாமஸ் அமலநாதன் தலைமை வகித்தார். மாநிலச் செயற்குழு உறுப்பினர் புரட்சித்தம்பி முன்னிலை வகித்தார்.

 மாவட்டச் செயலர் முத்துப்பாண்டியன் தீர்மானங்களை முன் மொழிந்தார்.

 மாவட்டப் பொருளாளர் குமரேசன், மாவட்டத் துணைத் தலைவர் சூசைராஜ், மாவட்டத் துணைச் செயலர்கள்  ரவி, ராஜகோபால், மாநிலப் பொதுக்குழு உறுப்பினர்கள் ஞானஅற்புதராஜ், சிங்கராயர் உள்ளிட்ட மாவட்டச் செயற்குழு உறுப்பினர்கள் பலரும் கலந்துகொண்டனர்.

  கூட்டத்தில், எஸ்.எஸ்.ஏ. நடுநிலைப் பள்ளிகளைப் போல் எஸ்.எஸ்.ஏ. அல்லாத நடுநிலைப் பள்ளிகளுக்கும் தலா மூன்று பட்டதாரி ஆசிரியர் பணியிடங்களை உருவாக்கி ஆசிரியர்களை பதவி உயர்வில் நியமிக்க வேண்டும்.

  1997 முதல் 1999 வரை இடைநிலை ஆசிரியர் பணியிடத்தில் நியமிக்கப்பட்ட ஆதி திராவிடர் மற்றும் பழங்குடி பட்டதாரி ஆசிரியர்களுக்கு, உயர் கல்விக்கான ஊக்க ஊதியம் மற்றும் பதவி உயர்வு வழங்க வேண்டும்.

 61 மாணவர்கள் இருந்தால் மூன்று ஆசிரியர் என்பதை, 46 மாணவர்களுக்கு மூன்று ஆசிரியர் என மாற்றியமைத்திட வேண்டும் என்பன உள்ளிட்ட கோரிக்கைகளை வலியுறுத்தி, மத்திய தொழிற்சங்க சம்மேளனங்கள் செப்டம்பர் 2 ஆம் தேதி நடத்தும் அகில இந்திய வேலை நிறுத்தத்தில் இயக்கத்தின் அனைத்து உறுப்பினர்களும் பங்கேற்பது உள்ளிட்ட தீர்மானங்கள் நிறைவேற்றப்பட்டன.

மாவட்டச் செயற்குழு கூட்டம் - தினமலர் செய்தி வெளியீடு

சிவகங்கை மாவட்டத்தில் ஈடு செய் தற்செயல் விடுப்பு குழப்பத்திற்கு TNPTF முற்றுப்புள்ளி

சிவகங்கை மாவட்டத்தில் 2015-16ம் கல்வியாண்டில் கருத்தாய்வு மைய கூட்டத்தில் கலந்து கொண்டால் ஈடு செய் தற்செயல் விடுப்பு அனுமதிக்க இயலாது என தலைமையாசிரியர் கூட்டத்தில் தகவல் தெரிவித்ததாக நமக்கு இயக்க பொறுப்பாளர்கள் தகவல் தெரிவித்தனர். உடனடியாக மாவட்டத் தொடக்கக்கல்வி அலுவலர் மற்றும் கூடுதல் முதன்மைக்கல்வி அலுவலருடன் தொலைபேசியில்  தொடர்பு கொண்டு இந்த கல்வியாண்டிற்கான தொடக்கக்கல்வி இயக்குநரின் வேலைநாள் டைரியில் கருத்தாய்வு மைய கூட்ட நாட்கள் சேர்க்கப்படவில்லை எனவும்,  CRC நாட்களை தவிர்த்து 220 பணி நாட்கள் வெளியிடப்பட்டுள்ளதை அவர்களின் கவனத்திற்கு தெரிவித்தோம். நமது நியாயமான கோரிக்கையை புரிந்துகொண்டு கருத்தாய்வு மைய கூட்டத்தில் கலந்து கொள்வபர்கள் அரசு விதிக்கு உட்பட்டு ஈடு செய் தற்செயல் விடுப்பு துய்க்கலாம் என தெரிவித்தார்கள். மேலும் இது குறித்து அனைத்து உதவித் தொடக்கக்கல்வி அலுவலர்களுக்கும் தகவல் தெரிவிப்பதாக உறுதியளித்தார்கள்.
 தமிழ்நாடு ஆரம்பப்பள்ளி ஆசிரியர் கூட்டணியின் கோரிக்கையை ஏற்று நடைமுறைப்படுத்திய
மாவட்டத் தொடக்கக்கல்வி அலுவலர் மற்றும் கூடுதல் முதன்மைக் கல்வி அலுவலர் ஆகியோர்க்கு நன்றி.

உண்மையை உரக்கச் சொல்லுவோம்!!!
உரிமையைப் போராடி பெறுவோம்!!!

தோழமையுடன்...
முத்துப்பாண்டியன்.ஆ
மாவட்டச் செயலாளர்
TNPTF - Sivaganga

சிவகங்கை மாவட்டச் செயற்குழு கூட்டம் - தினத்தந்தி செய்தி வெளியீடு (10.7.15)

Click HERE

மாவட்டச் செயற்குழு கூட்டம் - தினகரன் செய்தி வெளியீடு (9.7.2015)

சிவகங்கை மாவட்டச் செயற்குழு முடிவுகள் (4.7.2015)

தலைமை: ஆ.தாமஸ் அமலநாதன், மாவட்டத் தலைவர்
1.    திருப்புவனம் வட்டாரத்தலைவர் திரு.ஜான் கென்னடி அவர்களின் தந்தை திரு.சீனியப்பன், வட்டாரப் பொருளாளர் திரு.வேதக்கண்ணு அவர்களின் தந்தை திரு.சாமிதாஸ், மாவட்டத் துணைத் தலைவர் திரு.சூசைராஜ் அவர்களின் சகோதரர் திரு.ஆச்சரியம், சிவகங்கை ஒன்றிய ஓய்வறியா உறுப்பினர் திருமதி.புனிதா ஆகியோரின் மறைவிற்கு இச்செயற்குழு  மௌன அஞ்சலி செலுத்துகிறது.
2.    மாவட்டப் பொருளாளரால் படைக்கப்பட்ட 10.11.2014 முதல் 30.06.2015 வரை உள்ள வரவு செலவுகளை இம்மாவட்டச் செயற்குழு ஏகமனதாக ஏற்பு செய்கிறது.
3.    இயக்கத்தின் வங்கி கணக்கை புதிதாக பொறுப்பேற்றுள்ள மாவட்டத் தலைவர் திரு.தாமஸ் அமலநாதன் மற்றும் மாவட்டப் பொருளாளர் திரு.குமரேசன் ஆகியோருக்கு மாற்றம் செய்திட இச்செயற்குழு கேட்டுக்கொள்கிறது.
4.    இளையான்குடி வட்டாரக் கூட்டத்தினை மாவட்டத் துணைச் செயலாளர் திரு.இராஜகோபால் அவர்களும், சாக்கோட்டை வட்டாரக் கூட்டத்தினை மாவட்டத் துணைத் தலைவர் திரு.சூசைராஜ் அவர்களும் சம்பந்தப்பட்ட வட்டார நிர்வாகிகளுடன் கலந்தாலோசித்து விரைவில் கூட்டுவதற்கும், அக்கூட்டத்தில் மாவட்ட நிர்வாகிகள் பங்கேற்கவும் இச்செயற்குழு முடிவாற்றுகிறது.
5.    ஜூன்-10 ஆர்ப்பாட்டத்தை வெற்றிகரமாக நடத்திட களப்பணியாற்றிய அனைத்து நிர்வாகிகளையும் இச்செயற்குழு பாராட்டுகிறது.
6.    மாவட்டத் தணிக்கை முடிப்பதற்கு ஏதுவாக அனைத்து வட்டாரங்களும் 2014-15ம் ஆண்டிற்கான வரவு-செலவுகளை வட்டாரச் செயற்குழுவின் ஒப்புதலுக்கு உட்படுத்தி வரும் ஜூலை-23க்குள் தங்கள் கிளையின் தணிக்கையினை நிறைவு செய்து முடிக்க இச்செயற்குழு முடிவாற்றுகிறது.
7.    இயக்க இதழ் சந்தாதாரர்களை உயர்த்த வேண்டிய நடவடிக்கைகளை முடுக்கி விட வட்டார நிர்வாகிகளை இச்செயற்குழு கேட்டுக்கொள்கிறது.
8.    2015-16ம் ஆண்டிற்கான உறுப்பினர் சேர்க்கையை விரைந்து முடித்து ஆகஸ்ட்-30ஃ2015க்குள் பட்டியலுடன் உரிய பங்கு தொகையையும் செலுத்த வேண்டும் என இச்செயற்குழு கேட்டுக்கொள்கிறது.
9.    ளுளுயு நடுநிலைப்பள்ளிகளைப் போல் ளுளுயு அல்லாத நடுநிலைப்பள்ளிகளுக்கும் தலா மூன்று பட்டதாரி ஆசிரியர் பணியி;டங்களை உருவாக்கி ஆசிரியர்களை பதவி உயர்வில் நியமிக்க வேண்டும் என இச்செயற்குழு கேட்டுக்கொள்கிறது.
10.    1997 முதல் 1999 வரை இடைநிலை ஆசிரியர் பணியிடத்தில் நியமிக்கப்பட்ட ஆதி திராவிடர் மற்றும் பழங்குடியின பட்டதாரி ஆசிரியர்களுக்கு உயர் கல்விக்கான ஊக்க ஊதியம் மற்றும் பதவி உயர்வு வழங்க வேண்டும்.
11.    உயர்கல்வி பயின்ற ஆசிரியர்களுக்கு பின்னேற்பு வழங்கிட தொடக்கக்கல்வி இயக்குனர் அரசாங்கத்திடம் அனுமதி பெற்றுத் தர வேண்டும் எனவும் இதை மாநில மையம் வலியுறுத்த வேண்டுமெனவும் இச்செயற்குழு கேட்டுக் கொள்கிறது.
12.    பி.லிட்., பட்டம் பெற்று நடுநிலைப்பள்ளி தலைமையாசிரியராக பதவி வகிக்கும் ஆசிரியர்களுக்கு பி;எட்., பயின்றமைக்கு  ஒரு ஊக்க ஊதியம் வழங்கிட வேண்டும்.
13.    61 மாணவர்கள் இருந்தால் மூன்று ஆசிரியர் என்பதை மாற்றி கல்வி சூழல் சிறப்பாக அமைய 46 மாணவர்களுக்கு மூன்று ஆசிரியர் என மாற்றியமைத்திட வேண்டும் என இச்செயற்குழு கேட்டுக்கொள்கிறது.
14.    தன் பங்கேற்பு ஓய்வூதிய திட்டத்தை கை விடல் உள்ளிட்ட கோரிக்கைகளை வலியுறுத்தி மத்திய தொழிற்சங்க சம்மேளனங்கள் செப்டம்பர்-2ஃ2015ல் நடத்தும் அகில இந்திய வேலை நிறுத்தத்தில் இயக்கத்தின் அனைத்து உறுப்பினர்களும் பங்கேற்பது என முடிவாற்றப்படுகிறது.
------------உண்மை நகல்------------

இன்று (7.7.2015) காலை 11.00 மணிக்கு தொடக்கக்கல்வி இயக்குநருடன் TNPTF மாநிலப் பொறுப்பாளர்கள் சந்திப்பு.

இன்று சென்னையில் தொடக்கக்கல்வி இயக்குநர் மதிப்புமிகு இளங்கோவன் அவர்களை தமிழ்நாடு ஆரம்பப்பள்ளி ஆசிரியர் கூட்டணி மாநிலப்பொதுச் செயலாளர் திரு.பாலச்சந்தர், மாநிலத் தலைவர் திரு.மோசஸ், மாநிலத்துணைத் தலைவர் திரு.ஜோதிபாபு மற்றும் நாமக்கல், திருவண்ணாமலை மாவட்ட பொறுப்பாளர்கள் சந்தித்து பல்வேறு கோரிக்கைகள் குறித்த விவாதித்தனர். இயக்குநர் அவர்கள் விரைந்து நடவடிக்கை எடுப்பதாக உறுதியளித்துள்ளார்கள்.

1. தமிழகத்தில் இணையவழி ஊதிய பரிமாற்றம் (E-pay) அமுல்படுத்தப்பட்டதால் அரசு உதவி பெறும் பள்ளிகளில் மாததந்திர ஊதியம் பெறுவதில் உள்ள கால தாமதத்தையும், அதற்கு காரணமான உதவித் தொடக்கக்கல்வி அலுவலர்கள் உரிய பணியினை மேற்கொள்ள மாவட்டத் தொடக்கக்கல்வி அலுவலர்கள் அறிவுரை வழங்க வேண்டுமென கேட்டுக்கொள்ளப்பட்டது.

2. உயர்கல்விக்கல்விக்கு பின்னேற்பு வழங்குவது குறித்து அரசிற்கு 23458/E/2015 நாள் 6.7.2015 நாளிட்ட கடிதம் மூலமும், ஈரோடு மேகலா தேவிக்கு 5784/E2/2015 நாள் 29.6.2015 நாளிட்ட கடிதம் மூலமும் அனுப்பியுள்ளதாக இயக்குநர் தெரிவித்தார்கள்.

3. திருவள்ளூர் - திருவலங்காடு, திருவண்ணாமலை - மேற்கு ஆரணி, ஜவ்வாது மலை ஆகிய ஒன்றியங்களின் உதவித் தொடக்கக்கல்வி அலுவலர்களின் ஊழியர் விரோதபோக்கின் மீது நடவடிக்கை எடுக்க கோரப்பட்டது.

4. திருப்பூர் மாவட்டத்தில் ஆசிரியர்கள் மீது பழிவாங்கும் விதமாக எடுக்கப்பட்ட நடவடிக்கைகளை உடனடியாக திரும்ப பெற வேண்டுமென கேட்டுக்கொள்ளப்பட்டது.

5. விருதுநகர் - வெம்பக்கோட்டை சுரேஷ்குமார் மீது எடுக்கப்பட்ட நடவடிக்கை குறித்து விவாதிக்கப்பட்டது.

6. எஸ்.எஸ்.ஏ பள்ளிகளுக்கு வழங்கியது போல் எஸ்.எஸ்.ஏ. அல்லாத நடுநிலைப்பள்ளிகளுக்கும் மூன்று பட்டதாரி ஆசிரியர் பணியிடங்கள் வழங்கவேண்டும் என்ற சிவகங்கை மாவட்டச் செயற்குழு முடிவுகள் குறித்து விவாதிக்கப்பட்டது.

7. கோவை மாவட்டம் வால்பாறை தலைமையாசிரியரின் நிர்வாக மாறுதலுக்கு முன்னுரிமை, தொண்டாமுத்தூர் இரட்டைப்பட்ட முன்னுரிமை, அன்னூர் ஆசிரியர் சேமநலநிதி கணக்கில் உள்ள குறைபாடுகள் குறித்து விவாதிக்கப்பட்டது.

8. இடைநிலையாசிரியர் பணியிடத்தில் பணியமர்த்தப்பட்ட பட்டதாரி ஆசிரியர்கள் பெற்ற உயர்கல்விக்கு ஊக்க ஊதியம் மற்றும் பதவி உயர்வு வழங்க வேண்டுமென்ற நமது நீண்ட நாள் கோரிக்கை குறித்து அரசிற்கு தாம் கடிதம் எழுதியுள்ளதாக இயக்குநர் அவர்கள் தெரிவித்தார்கள்.

9. திருவண்ணாமலைTPF கணக்கு, தூத்துக்குடி  - விளாத்திகுளம் தலைமையாசிரியர் பணியிடம், கண்ணியாகுமரி - குளச்சல் தனியார் பள்ளி பணியிடம், விருதுநகர் -திருச்சுழி இருசக்கர வாகன முன்பணம், திண்டுக்கல் - குஜிலியம்பாறை கோம்பை பள்ளிக்கு பட்டதாரி ஆசிரியர் பணியிடம் குறித்து விவாதிக்கப்பட்டது.

10. பணி மூப்பு பட்டியலில் இரமநாதபுரம் - மண்டபம், கோவை - தொண்டாமுத்தூர், நாமக்கல் - பள்ளிபாளையம், திருநெல்வேலி - நாங்குநேரி உள்ளிட்ட ஒன்றியங்களில் உள்ள பிரச்சனைகள் குறித்து விவாதிக்கப்பட்டது.

தகவல் பகிர்வு:
முத்துப்பாண்டியன்.ஆ
TNPTF மாவட்டச் செயலாளர்

சிவகங்கை மாவட்டத் தொடக்கக்கல்வி அலுவலருடன் TNPTF பொறுப்பாளர்கள் சந்திப்பு

தமிழ்நாடு ஆரம்பப்பள்ளி ஆசிரியர் கூட்டணி, சிவகங்கை மாவட்ட பொறுப்பாளர்கள் நேற்று(29.6.15) மாவட்டத் தொடக்கக்கல்வி அலுவலர் திரு.அப்துல் ரஹீம் அவர்களை மரியாதை நிமித்தமாக சந்தித்தனர். புதிதாக பொறுப்பேற்றமைக்கு வாழ்த்து தெரிவித்ததோடு மாவட்டத்தில் பல்வேறு ஒன்றியங்களில் உள்ள பிரச்சனைகள் குறித்து விவாதிக்கப்பட்டது. அனைத்தையும் பொறுமையுடன் உள்வாங்கி கொண்டு கோரிக்கைகள் நிறைவேற்றுவதற்கு முழு உத்தரவாதம் அளித்தார்கள்.

மேலும் திருப்பத்தூர் ஒன்றியத்தில் முறையான விசாரணையின்றி ஒரு பெண் ஆசிரியை பணிநீக்கம் செய்யப்பட்டுள்ளது குறித்து இயக்கம் தன்னுடைய கடுமையான அதிருப்தியை பதிவு செய்தது. இச்செயல் வருங்காலத்தில் எந்த ஆசிரியரையும் விசாரணையின்றி பணி நீக்கம் செய்ய வழி வகுக்கும், எனவே இது குறித்து மீளாய்வு செய்ய வேண்டும் எனக் கேட்டுக்கொள்ளப்பட்டது.
திருப்புவனம் ஒன்றியத்தில் பழையூர் நடுநிலைப்பள்ளியின் பட்டதாரி ஆசிரியர்களின் முறையற்ற பணிக்கலாச்சாரம் குறித்து முறையிடப்பட்டது. அப்பள்ளியின் கல்விச்சூழல் சுமூகமாக அமைய தக்க நடவடிக்கை எடுக்க கேட்டுக்கொள்ளப்பட்டது.
சிங்கம்புணரி உதவித் தொடக்கக்கல்வி அலுவலகத்திற்கு இயக்கத்தின் கடுமையான முயற்சியால் பேரூராட்சி நிர்வாத்திடம் இருந்து பெறப்பட்ட நிலத்தில் உடனடியாக அலுவலகம் கட்ட நடவடிக்கை எடுக்க கேட்டுக்கொள்ளப்பட்டது.
அனைத்து உதவித் தொடக்கக்கல்வி அலுவலகங்களிலும் காலிப்பணியிட விபரம் மற்றும் ஆசிரியர்களின் குழு பட்டியல் விபரம் வெளியிட ஆவண செய்ய கேட்டுக்கொள்ளப்பட்டது.
மேலும் பல்வேறு கோரிக்கைகள் குறித்து விவாதிக்கப்பட்டது.
இச்சந்திப்பில் மாவட்டச் செயலாளர் முத்துப்பாண்டியன், மாவட்ட பொருளாளர் குமரேசன், மாநிலச் செயற்குழு உறுப்பினர் புரட்சித்தம்பி, மாநிலப்பொதுக்குழு உறுப்பினர் சிங்கராயர், சிவகங்கை வட்டாரச் செயலாளர் ஜெயக்குமார், பொருளாளர் பாலமுருகன், திருப்புவனம் செயலாளர் சத்தியேந்திரன், தலைவர் ஜான் கென்னடி மற்றும் பல்வேறு வட்டார நிர்வாகிகள் பங்குபெற்றனர்.